Məni Allah uzaqlaşdır bütün çirkin əməllərdən
Müsəlmanlar xeyir görməz bu cür yəqin əməllərdən
Müsibətdir satıb imanı şeytana bəni-adəm
Günahlar göz qabağında keçib batin əməllərdən
Bir addımda Xudavəndə yaxınlaşmaq gər istərsə
Atıb nadanlığın daşın yapış mömin əməllərdən
Çalış hər vaxt kim olduğun əməllərdən sübut eylə
Olur bəlli bir insana xeyir, xain əməllərdən
Namazın yox olar keçmək, varın var ki xuda buyurub
Zəkat ver kimsəsiz görsən, bu ən zəngin əməllərdən
Quru sözlə heç olmazsa yolundan çıxmış insanı
Gətir haqqın təriqətinə savab yüz min
əməllərdən
Kifayətdir edib rişxənd dəyərlər ki, bu Fərzanə
Əməl saleh deyil amma deyir kəskin əməllərdən
05.10.2010
Bu sevməkdir sevilməkdi tamam billah düşüb gözdən
Bir üsyandır dəli sevda başım çəkmiş təcavüzdən
Ki, baxma sevda beş hərfdir, hər hərfi bir məlamətdir
Bu beş hərfin böyük dərdi, gəlir sadə tələffüzdən
Xuramanın mən ardınca süründüm çox dəxi indi
Dayanmaq halətim yoxdur gedibdir taqətim dizdən
Belə yanmaz idi bəlkə mənim cismim cəhənnəmdə
Bir od qoydu mənə canan kabab olmuş ürək közdən
Çalış cəhd eylə Fərzanə! gözəl sevmə cəmalından
Bu isbatdır, həqiqətdir olur peşman sevən üzdən
09.12.2012
Ölüb gedərsən axırı
Özündən olma razı gəl
Heç olmasa onundan ol
Yüzündən olma razı gəl
Ağıldı qaldıran səni
Dizindən olma razı gəl
Yalanla yat yalanla dur
Düzündən olma razı gəl
Varındı çeşmi-əhvəlin
Gözündən olma razı gəl
Qonaqların narazıdır
Mizindən olma razı gəl
Yağış yağar odun sönər
Közündən olma razı gəl
Səfa! bəyənməyəndə var
Sözündən olma razı gəl
“Çeşmi-əhvəl”-həqiqəti görə bilməyən göz
10.12.2012
Allaha ibadətdədi minlərlə müsəlman
Hər ildə ziyarətdədi minlərlə müsəlman
İnsana gözəllikləri, sürətləri verdi
Təbii qazı, neft daşları sərvətləri verdi
Allah bu qədər ruzini nemətləri verdi
Əfsus ki, şikayətdədi minlərlə müsəlman
Toqquşdu buludlar və yağışlar yerə yağdı
Bir yanda dəniz, güldüsə bir yanda bulağdı
Allah bizə bağbandı bu dünya evi bağdı
Bir güldü təravətdədi minlərlə müsəlman
Kim ömr edər Allaha təvəkkül pənahıyla
Etməzsə keçər günləri min nalə ahıyla
İnşallah uduzmaz namaz adlı silahıyla
Şeytanla rəqabətdədi minlərlə müsəlman
Kafir! Seçilirsən niyə pak qəlbli bəşərdən?
Çün sən də müsəlman yaranıbsan bu dəyərdən
Aç gözlərini diqqət ilə seyr elə hərdən
Hər yanda vilayətdədi minlərlə müsəlman
10.11.2012
Zalima bizlərə zülm etmə Xuda xatirinə
Füqəra kəslərik incitmə Xuda xatirinə
İmkanın vardı, fəqir millətinə eylə kömək
Biri satqınlıq edir o biri atır barda göbək
Qoy halal yolla edək əldə halal nanu-nəmək
Bizi pisliklərə öyrətmə Xuda xatirinə
Haramı seçmə, halal məqsədə çatmaqdansa
Pay ver öz dostuna dumanına satmaqdansa
Falçıya cadugərə biz el uzatmaqdansa
Yaxşısı, əl uzadaq yetimə Xuda xatirinə
Gözümün nuru gedibdir daha ən dişəndən
Yapışıb zülm ile tutdum mən axır tişəndən
Kökünü tişən ile tişələdim rişəndən
Nola dərdim yenidən bitmə Xuda xatirinə
Sözdən ayrı, sənə yox çarə
şəfasızlar tək
Var sözün şükr eliyib olma xudasızlar tək
Sadiq ol dosta, yara yoxsa vəfasızlar tək
Ey Səfa üz çevirib getme Xuda xatirinə
22.11.2012
Mən istərəm ki, dilbərin nazın çəkim cəfa deyil
Sevib sevilməyim gərək, unutmağım rəva deyil
Nə qorxuram ki, düşməyəm məhəbbətin bəlasına
Cəhənnəmin bəlası mən üçün böyük bəla deyil
Məhəbbət eşqi ilə Yusifim sevib Züleyxasın
Düşür mənim də payimə, ki sevməyim xəta deyil
Bu sevgi bir əmanətim, siz etməyin xəyanəti
İlahidən gəlib bizə bu əmridir rica deyil
Ey afətim xuramanım inan sədaqət əhliyəm
Canım vəfalıya fəda, vəfasıza fəda deyil
Gözəlliyinlə fəxr edib, şükür qılıb sevinmədin
Məgər bizə bu cismi-canu xəlq edən Xuda deyil?
12.12.2012
Mən içdikcən süzür saqi
Vücud pis,ruh xoş əhvalda
Ömür sürdüm bu minvalda
Məni-sərxoş bezən halda
Gəl amma ki, bezir saqi
Verir zövqi-səfa öylə
Bu şəxsə nur,ziya söylə
Qaranlıq qəlbimi meylə
Girib birbaş gəzir saqi
Pərişan rindi-həmdəmlər
Məlaldan bəlli görkəmlər
Cəmalından yağır qəmlər
Könül daşdan dözür saqi
Olur şaş tazədən hərdən
Kəsir mey kuzədən hərdən
Çıxır əndazədən hərdən
Süzür az qəlb üzür saqi
Səfanı, iltica üzmə
Buyur süz qaçma yan gəzmə
Gözün süzmə, dodaq büzmə
Ol əmrə, müntəzir saqi!
19.12.2012
Oğul hal-əhli olma, götür ibrət atandan
Böyük bir kəs ki yoxdur, sənə əlbət atandan
Biqeyretdən götürmə, çalış töhmət eyibdir
Zərər yoxdur sən alsan, əgər töhmət atandan
Pərişan etmə bir an, üzərsən qəlbi yoxsa
Sevinc hissi olar qeyb, doğar nifrət atandan
Nədir möhnət əzabı, nədir qəm qüssə hicran
Uzaq düşsən bilərsən, neçə müddət atandan
Ataya kim baxar kəm, deyil bizlərdən əsla
Nələr gör bəhs edirmiş ,cənab həzrət atandan
Gər istərsən gözəl gün, yaşam tərzin dəyişsin
Oğul səndən buyurmaq, gərək dəvət atandan
Atan qeyrətli bir şəxs ,yolun eylə davam get
Sən övlada deyərlər, keçib qeyrət atandan
Demə hiddət nədəndir, səbəb sənsən ey övlad
Başın yüksək edərsən, gedər hiddət atandan
Səfa qəm çəkmə çünki, Vəfa tək bir atan var
Fəxr hissi qıl harda, düşər söhbət atandan
Cənab həzrət- Peyğəmbər nəzərdə tutulub
01.01.2013
Şərafətdir, uca addır müəllim
Savad elmə çatan daddır müəllim
Tiri-elmin dəqiq sancır zəkadən
Öz irfanında səyyaddır müəllim
Duyursan her mehinden bir mərifət
Bizə sovqat gələn baddır müəllim
Müəllimsiz təməl təsvir olunmaz
Mətanət xəlqə bünyaddır müəllim
Neçə alim, neçə şair yetirmiş
Vətənçün layiq övladdır müəllim
O heç bir vaxtı kəcgərdan dayanmaz
Əyilməz qəddi-şumşaddır müəllim
Səfa sən ərmağan verdin qəzəlnən
Biləydin kaş nə cür şaddır müəllim
Tiri elmin---elmin oxunu
İrfan-elm
Bad-külək
Bünyad-təməl
Qəddi-şumşad—düz qamət
02.01.2013
Batardı din-şəriyyətim nə yaxşı var bu Mollalar
Böyük xətaya girmişəm günahımı yu Mollalar!
Səbəb nədir de? tənəyə gelir ki falçı cadusu
Günah hesab olunmayır edəndə cadu Mollalar?
Özümdə bilmədən, qulağ asıb imansız olmuşam
Oğurlayıbdı sən demə imanı oğru Mollalar
Buyur çağır hüzuruna balam nə tipdə istəsən
Ki, vardı qaməti uca,uzun ya yumru Mollalar
Bizə "barış-barış "deyib, demirlər özlərindən heç
Biri-birilə dinməyir yamandı qonşu Mollalar
Mərizi Molla yanına aparmamış fikirləşək
Bizə necə verər şəfanı əqli-sayru Mollalar?
Camat öz hayındadır bu sanki restarandadır
Sifariş eyləyir mərasimində menyu Mollalar
Satiranın kalendarın varağlasaz
görərsiniz
Dünənki mövzu Mollalar, bu günkü mövzu Mollalar
Səfa ədalət əhlisən otursan əyri, düz danış
Əgər yalançı Molla varsa, vardı doğru Mollalar
03.01.2013
Sual qalmır cavabsız
Ömür keçmir əzabsız
Bəşər rahi-behiştə
Olar qəbul savabsiz?
Kübar acdır kababnan
Kasıb toxdur kababsız
Həya hər kimdə yoxsa
O, bir güldür gülabsız
Biri var, yox qabında
Biri vardır ki, qabsiz
Səfa sadə sənətkar
Çağır bəysiz, cənabsız
05.03.2013
Dağıl dünya! Məni gör kim bəyənmir
Savadı olmuyan, alim bəyənmir
Siçan boyda ediblər əjdahanı
Dayandır öylə bir nəşvü-nümanı
Bəyənməzdi qabağ alim gədanı
Bu saat zalimi, zalim bəyənmir
Ağıl başında yoxdursa, götür kəs
Müsəlman laldı, kafirdən gəlir səs
Bu dünyada, Xudanı sevmiyən kəs
Mehəmməd sevmir, İbrahim bəyənmir
Nə fərqi qızdır, oğlandır müsəlman?
Ki, dərk eylə hər iksi, payi-sübhan
Pədər madəri istər bimar oğlan
Qız övladın, fəqət salim bəyənmir
Demə Molla Pənah Vaqif mənəm mən!
Sənətkar olmağından, vurma dəm sən
Əgər qabında, yoxdursa ha öyrən
Sənət bir vergidir, təlim bəyənmir
Soruşma məndən, hardandır məharət
Təkəbbürlük, yaraşmaz bir xəcalət
Bilir kim, kimdi xalqım, yoxdu hacət
Səfa Fərzanədir, təqdim bəyənmir
Nəşvü-nüma~~böyümək, inkşaf
İbrahim,Məhəmməd- peyğəmbərlər
pədər-madər ~~ata-ana
salim-salamat
27.01.2013
Aman Allah neçə mescid sökülür bar tikilir
Bu müsəlmanlığa ziddir nə səbəb var? tikilir
Əmr gəlmiş ki, bu il məscidimiz tam sökülə
Söküleən yerde arağ, piyvəyəe anbar tikilir?
Tanrı dərgahını insana qoyublar qadağan
Ki, günah bizdədir üz vermişik astar tikilir
İnkşaf etmədədir dərziçilik, fabrikalar
Oğlanın əyninə yubka, qıza şalvar tikilir
Nahəqin qapsı açıq, bağlıdır haqqın qapısı
Qapıya bircə çəkicnən iki mismar tikilir
İndi də elan edirlər ki, qiyamət gələcək
Allahın təqvimi üstündə kalendar tikilir
Bakirən işdi xanım batil olar, çəkmə kədər
Orginal bakirəlik parçaya oxşar tikilir
Çəkilib küncə otur, seyr elə lal karlar tək
Əşi Fərzanə cəhənnəm açıq-aşkar tikilir
28.05.2013
Axırı
düşüb eşqə, mən də bir gözəl sevdim
Görkəmi mələk sima, qaşi-çeşmi ləl sevdim
Saydığım
əlamətdə, körpə xəlq ola bilməz
Söhbəti şirin şəkkər,xisləti-dəcəl sevdim
Dönmərəm
geri heç vaxt, sadiqəm vəfadarəm
Əhti-peymanım vardır,eyləyib əməl sevdim
Danmıram,
mən ol yardan, küsdüyüm günüm vardır
Sevmiyən günün yoxdur, hər zaman əzəl sevdim
Qəlbə
çox bəla gəldi, təsir etmədi amma
Qopdu min tufan leysan, əsdi hey xəzəl sevdim
Yardan
ötrü sən oldun, eşqin əhli Fərzanə
Düşdüyün məkan sevgi, yazdığın qəzəl 'sevdim'
31.05.2013
Varlığın
Xudavəndin, dərk edib hüda tapdım
Sanki bir qaranlıqda nuri-şəm ziya tapdım
Neynirəm
həbib, dostu neynirəm ki, sirdaşı
Onda bir sədaqətlik onda bir vəfa tapdım
İntiha
deyil eşqin xəlq olunmamış səndən
Bətni-madəri içrə eşqi-ibtida tapdım
Min
dəva edib loğman çarə tapmadim ALLAH!
Birdəfə çəkib namin dərdimə şəfa tapdım
Çox
dolandim avvarə müxtəsər qərar verdim
Həmdülullah olsun ki haqq yolun Səfa tapdım
Səfa
Məcidov Fərzanə,14.11.2013,gece 02 30
Qeyd.Qəzəl
həzəc bəhrinin fAilun mefAILun-2 təfilsində yazılıb
bətni-madər ----ana bətnində
e.qi-ibtida ----başlanğıc eşq
14.11.2013
Ədalətsiz
ömür sürdü mənim yazıq kasıb xəlqim
Bu haqsızlıqları gormüş nədəndir bəs susub xəlqim
Nə
ərzaq var, nə taqət var vəli tərk etməyib cəngi
Döyüşdən yox, soyuqdan yox acından qan qusub xəlqim
Yari
sünni, yari şiyyə cüda olmuş müsəlmanlar
Sədayi-şeytana uymuş qulaq əfsus asıb xəlqim
Xilaskarı
bu dövranın ümid var ki, gələr bir gün
Zamanın sahibi üçün hər an yollar pusub xəlqim
Səfa
xəlqin cəsurdildir görər bədxahilər bir gün
Qarabaği edib azad ayaq xakə basib xəlqim
vəli-amma
xak-torpaq
03.12.2013
Sərxoşluq
edən dövlət hüşyar olacaq bir gün
İllərdi yatan bəxtim bidar olacaq bir gün
Xəlvət
o qədər işlər gördük ki bu dünyadə
Dərk eyləmirik neyçün aşkar olacaq bir gün
Bir
gəz doğulur məxluq bir gəzdə ölür məxluq
Düşvarki, yaranmışlar təkrar olacaq bir gün
Zalim
eliyər zülmü məzlumilərə hər gün
Amma ki düşunmür o bimar olacaq bir gün
Bir
parçada nan olsa şükran eliyək çünki
İnsanlara insanlar iftar olacaq bir gün
Arzu
eliyir daim öz sevdiyi yar iylə
Fərzanə Səfa Həccə zəvvar olacaq bir gun
hüşyar-ayıq
bidar-oyanar
bir gəz-bir dəfə
düşvar-çətin
Qafiyə..
Nizami Gəncəvidən
29.01.2014
Haramdan
əl çək ey insan halal pulçun halal işlə
Bu dünyadə dolanmaqçun aşağı başı sal işlə
Bazarlarda
bahalaşma dəyər qalxır günü gündən
Bu gün çox pul qazanmaqçun dünənkindən fəal işlə
Üzülmə
çox sənə qurban, əgər görsənki iş getmir
Bir anlıq ailə övlad həmən eylə xəyal işlə
Pulu
pul üstə qoymaqdan şikəst oldu bu məmurlar
Yazıq fəhlə dəmirdənsən sənə yoxdur zaval işlə
Nə bir
dost var, nə bir qardaş qərib yerdə nə karin var?
Uzaq getmə, elə doğma ocaq yurdunda qal işlə
Ata
olma narahat day, sənə xoş müjdəmiz vardir
Şükür Allah olub təmin Səfa işlə, Tural işlə
02.02.2014
Ədəbsizlər
ədəb bilməz
Şərəf bilməz, həsəb bilməz
Biqeyrətlər
bu dünyayə
Neçin gəlmiş səbəb bilməz
Nolar
Quran ərəbcəndi
Hər izahin ərəb bilməz
Yarı
çılpaq, ya çılpaqdır
Ölüm gəldikdə dəb bilməz
Geca-gündüz
əzab, zillət
Fəqir rəncu-təəb bilməz
Gözəl
insanlara Allah
Qəzəblənməz, qəzəb bilməz
Kədər,
qəm qüssədir dostu
Səfa hissi-tərəb bilməz
Həsəb-adsan
Rəncu-təəb.--əzab yorqunluq
Hissi-tərəb--sevinc hissi
02.02.2014
Sevgilim
məni axır ağladıb çıxıb getdi
Nazu qəmzəsi ilə aldadıb çıxıb getdi
Sidqi
qəlb ilə sevdim xeyri nə fəqət yarim
Sevgimi oyuncaq tək oynadıb çıxıb getdi
Bir
zaman gülən yarim qəmlidir hüzurumda
Qaş qabaq töküb başın salladıb çıxıb getdi
Məndən
ol gözəl dilbər istifadə çox etdi
Loru dildə bir söznən firladib çıxıb getdi
Yari
dəngsər etdin, güc bəlayla dilləndi
Sevmirəm səni ŞAir anladıb çıxıb getdi
09.02.2014
Şahdı
dərd bizə sanki, olmuşuq nökər dərdə
Durmadan gəlir artır, yox qoyan qədər dərdə
Həmdəm
oldu hər gün dərd, bezmişik bu dərdlərdən
Bəlkə də bezir bizdən, eyləsək nəzər dərdə
Bilmirəm
nə var dərddə, qəmküsarimiz dərddir
Ehtiyac duyur şimdi, büsbütün bəşər dərdə
Saxlamaq
deyil mümkün hər evə olur mehman
Xeyri yox dəmirdən də, qoysalar çəpər dərdə
Üz tutur
ona hamı, dərdin izhar etməkçün
Kim bilir nə zülm ilə, tab edir xəzər dərdə
Harda
var xeyir orda, şərdə vardır ey insan
Əl çəkən deyil səndən, ha de əlhəzər dərdə
Qəm
kədər sevinc ilə, tənbətən ekizlərdir
Axşamın görən şadlıq, rast olur səhər dərdə
Təkcə
pul, qarın dərdin, ləğv edər bu dünyadə
Pulda görmə hər dərman, çarə etməz hər dərdə
Gecdi
biz ayılsaq da sən demə neçə ildir
Gül kimi olan ömrü, vermişik hədər dərdə
Dün
gecə biri vardı, əhli-dərdə lağ etdi
Allahım onu öylə saldı beşbetər dərdə
Ey
İmam Hüseyn şahım qalmadı qanın yerdə
İt kimi Ubeydullah, düşdü eybəcər dərdə
Dərd
Səfa ilə dostdur, dosta dost zərər verməz
Onda sən günah görmə öyrəşib kədər dərdə
14.02.2014
Solar
mənim ömür bağım, gülüm əgər sən olmasan
Sənin bu aşiqin ömür sürər hədər sən olmasan
Nolar
gülüm, tərafətim hər an yanımda ol çalış
Gecə olur mənə açılmayır səhər sən olmasan
Dəhanımın,
damağımın təamısan ki dərk qıl
Mənə şirin şəkər su da gələr zəhər sən olmasan
Aparararam
mübarizə, yolunda hər zaman gülüm
Canım rahat olarmı ta ki bəxtəvər sən olmasan
Nə
yaxşı varsan ey gülüm mənim yanımda yoxsa ki
Kədər sevinci məhv edər, çalar zəfər sən olmasan
Səni
görüm ki zail, ol puç ol görünmə gözlərə
Sevənlər hamı şənlənər əgər kədər sən olmasan
Demək
səni sevir yazır, ay üzlü dilbərim mənim
Səfa bu barədə yazan deyil əsər sən olmasan
16.02.2014
Bəlayi-eşq
dərd qəmin dözüb bəlayə çəkmişəm
Ki, öylə ah etmişəm bulud səmayə çəkmişəm
Geca
gələndə hicranın qəmi təbah edir məni
Əcəl məni aparmayıb şükür səbayə çəkmişəm
İlahi rəhmi
qıl mənə məgər günahdı sevməyim?
Zülümləri könül verib bu məhliqayə çəkmişəm
Gülüm
nolar ki, rəhmə gəl məni şad et nə cür ki mən
Özüm gəda günündəyəm sığal gədayə çəkmişəm
Nə
eylədim ki dönmədin sözündən amma kafiri
Namazə dəvət etmişəm abır həyayə çəkmişəm
Soruşsalar
ki, yar çəkəndə nazını nə etmisən?
Utanma sən də söylə öylə dağ Səfayə çəkmişəm
27.02.2014
Ey
insan az günah eylə
Gəlib haqqa pənah eylə
İbadətdən
gəda qaçma
Veribdir əmri şah eylə
Bir iş
tutduqda ölçüb biç
Nə kari, sonra ah eylə
Baxıb
naməhrəmə uyma
Halal yolnan nigah eylə
Tələsməynən
düzəlməz iş
Bu gün saxla sabah eylə
Əgər
dansam səni Allah
Kəs ömrümdən kütah eylə
Keçib
ağsaqqal olmaqdan
Saçin ağdır siyah eylə
Riyakar!
fərqi yox dinə
Əməl gah etmə gah eylə
Səfa
düşmənlərin çoxdu
Sözün dildə silah eylə
07.03.2014
Gələr
ruzi-qiyamət
Deyil bəlli o müddət
Qalar
yar aşiqə həm
Ana övladə həsrət
Bəşər
rəhmət apardı
Aparmaz vari-dövlət
Müsəlmanim!
buyur gəl
Müqəddəs yol şəriyyət
Xudayə
bəllidir bil
Nə iş görsəndə xəlvət
Öpüb
əcr al ananın
Ayağin altı cənnət
Müəllim
ol xeyir ver
Savabdır öyrən, öyrət
Dəri-dərgah
açıqdır
Hər an haqq etdi dəvət
Öğul
öylə zamandır
Edib hörmət, gör hörmət
Kimin
meyli tamahdır
Ölüb çəksin xəcalət
Vəfasız
sevmə onda
Yox it qədri sədaqət
Pul
hər vaxt var fənadır
Əsas mənlik, ləyaqət
Quraq
düzgünlük üstə
Edək inşa ədalət
Səfa
haqdan danışma
Başın saxla səlamət
12.03.2014
Toyda
bəyə arzumdu ki, daim ola xoşbəxt
Yarıyla ömür baği gəzə qol-qola xoşbəxt
Sevda
quşu xoşbəxtdi qonubdur sizin evdə
Dolduqca yaşa sizlə bərabər dola xoşbəxt
Xoşbəxtliyə
sarıdısa atdıqları addım
Torpaq yaza onlar gəzən hər bir yola xoşbəxt
Aşiq
pir olar yarını dərd çəkməyə qoymaz
Bülbül oxudu istədi, ki gül sola xoşbəxt
Xoşbəxtliyə
üz döndərən insan iki üzdür
Cəhd etsə də birdə girə bilməz rola xoşbəxt
Ən
sonda Səfa istədi bir övladin olsun
Şıltaq kimi qaçsın sağa, qaçsın sola xoşbəxt
Mənim
bir ayrı dilbərdə gözüm yox
Gözüm toxdur xəyanətkar üzüm yox
Məhəbbət
yollarmn cızdım səninlə
Bu yolda başqa canannan izim yox
Sənə
yetmək üçün illərdi dözdüm
Demə gəl ayrılaq artıq dözüm yox
Gülüm
gəl qəlbimin söndürmə şəmin
Onu yandirmağa kibrit, közüm yox
Ömür
sənlə, sürüm sənlə ölüm mən
Qərar böylə verib qəlbim, özüm yox
Səfa
yarın gözəllərdən gözəldir
Həya arından heç olmaz sözüm yox
04.04.2014
Adam
vardır bu dəhrə, gələn gündən zəlildir
Adam var şad, xürrəm ölüncən müstəqildir
Dilin
dinc saxlayarsan keçər ömrün firavan
Gələrsə başə hər nə bəlası bil ki dildir
Et
izhar eşqi yarə rəqibi qoyma sevsin
Əgər ki aşiq olsan çalış vaxtinda bildir
Qəzəlxanlar
Səfanı edərlər əhv çünki
Həvəskar bir yazardır, hənuz ustad deyildir
20.04.2014
Qarabağa nəzər salaq, kəsibdi çox baş erməni
Qıyıb neçə günahsıza, şərəfsiz oğraş erməni
Təcavüz eyləyibdi altı yaşlı bir küçük kıza
Satıbdı namusun, arın alıbdı daş qaş erməni
De! səndə zərrə rəhm yox? əsiri zorla öldürüb
Baxıb sevincəyindən olmusan gözü yaş erməni
Cəsarəti çatan deyil, səninlə üzbə üz dura
İgid! muğayat ol ki, arxadan atar daş erməni
Sənə necə müraciət edim? Özüm də bilmirəm
Dilim də gəlməyir sənə deyim ki, "yoldaş" erməni
Şərabi Saqi! az süzün babalı düşməsin sizə
Edər hücum anasına, olarsa əyyaş erməni
O körpənin günahı nə? o annenin günahı nə?
Sənə baha başa gələr bu qanlı yaddaş erməni
Anaların duaları, dönübdü nalə qarğışa
Olaydı kaş cəsədləriz, köpəklərə xaş erməni
İlahi məsləhət sənin, fəqət Səfadan olsa gər
Doğulsun it, pişik fəqət doğulmasın kaş erməni
27.04.2014
Bir
kimsə əlimdən səni ey yar ala bilməz
Alsa əgər Allah alar əğyar ala bilməz
Qorxaqdi
əcəl hətta məni sənlə görəndə
Xəlvətdə
alar canımı aşkar ala bilməz
Sevgin
gözəlim! qəlbimə bir mənzərə tikmiş
Bir böylə sənət təhsili memar ala bilməz
Yari
yetirən aşiqə sevdasidi yoxsa
Yar istədiyin olsada vadar ala bilməz
Çək
nazını yarin gülüşün, gör! necə bağban
Göstərməsə qayğı gülə gülzar ala bilməz
Mütləqdi
ki, xoş xasiyət olsun sevən aşiq
Bəd xislət olan zövqi-çəmənzar ala bilməz
İncitmə
Səfa! yarini vay haliva qorx ki
Yar könlünü sən yazdiqin əşar ala bilməz
27.04.2014
Canan!
məni tərk etmə, dözməz bu könül sənsiz
Viranə qalar sanki ,bağlardakı gül sənsiz
Bir
vaxtı bu qəlbimdə sevda təməlin qurdun
Hicran elə tərpətdi, məhv oldu özül sənsiz
Sevdayə
düşüb! başə sevda tacı qoymuşdum
Yar sən gedəni oldu, bu başıma kül sənsiz
Eşq
mənzilimiz boşdur, hər pəncərəsindən
mən
Sahibsiz otaqlar tək, asdım qara tül sənsiz
Ondansa
Səfa ölsün çünki ona ey dilbər!
Bu dəhrdə ömr etmək asan döyül sənsiz
30.04.2014
Allah!
sən özün aşiqi dildarə qovuşdur
Aşiqləri qoyma qala avvarə qovuşdur
Bimar
eliyibdir məni eşq içrə bu həsrət
Allah! bu sağalmaz cana tək çarə 'qovuşdur'
Yarsız
mənə bir gün özü bir ildi İlahi!
Nolar daha son qoy acı rəftarə qovuşdur
Allah!
sənə illərdi yetir vəslə deməkdən
Bağrım qan olubdur cigərim parə qovuşdur
Öz
yarına məndən savayı hamı qovuşdu
Rəhm eylə Xuda! gəldi canım zarə qovuşdur
İllər
boyu cəhd etdin ayırdın bizi şeytan!
Birdəfə xoş iş gör ki gəlib karə qovuşdur
Tanrı!
bu Səfanı elə şad şeyrinə xatir
Tezliklə o cananı sənətkarə qovuşdur
06.07.2014
Xoş
gündü bu gün ad günüdür sevgilimin
Xoşbəxt adamam bağbanıyam öz gülümün
Acizdi
dilim sevgilimin sağlığına
Haqqinda desəm qüvvəti çatmaz dilimin
İşdir
gözəlim sevgimə etsən şübhə
Bax gözlərimə güzgüsüdür daxilimin
Biganəni
mehman edə bilməz bu könül
Yarımdı mənim sahibi-eşq mənzilimin
Dünyadə
gözəl hər nəyi görsəm sənsən
Hətta belə dörd fəsli də sənsən ilimin
Əhv et
məni tək qeyd edirəm ad gününü
Tutmur meyi də taqəti yoxdur əlimin
Gənc
ölsə Səfa naməni yazdım biləsən
Hicran ilə həsrətdi adı qatilimin
21.07.2014
Bir
gün, köçərəm mən bu cahandan gözəlim!
Bezdim daha bu, dövrü-zamandan gözəlim!
Mənalı
həyatı mənə sən bəxş elədin
Ömr eyləmədim şükr yalandan gözəlim
Laldan
da betərdir mənim halım bu gecə
Nitqim tutulub ahu-fəğandan gözəlim
Ən
vacibi xoşbəxtliyimiz, baxmayaraq
Çox arzularım keçdi gümandan gözəlim
Dünya
salır ayrı məni səndən yoxsa
Doymaqmı olar ruhi-rəvandan gözəlim
Dünya
nə sənindir nə mənimdir, de görüm!
Qalmışdı Süleymanə haçandan gözəlim?
Az
qaldı cavan ömrümə can tapşırıram
Busə dilə son dəfə dəhandan gözəlim!
Növrəstə
Çinar idi Səfa , lakin onu
Yarpağları tərk etdi xəzandan gözəlim
09.01.2015.
Yar !
dərdimi hardan biləsən sən?
Qorxum budu bilsən güləsən sən
Ya
fəsli-baharsan ya zimistan
Gahi beləsən gah eləsən sən
Yoxdur
ümidim qəbrimin üstə
Baş çəkməyə hərdən gələsən sən
Sən
tək nə qədər vardı vəfasiz
Zənn eyləməki bir giləsən sən
Milyon
gözələ göz yumaram mən
Qəlbimdə əvəzsiz hələ sənsən
Sənsiz
yaza bilməzdi Səfa söz
İlham gətirən də dilə sənsən
09.01.2015
Məcnun
kimi səhralərə düşdüm
Leyla məni dərk eyliyə bilməz
İnsan məni dərk etməyə aciz
Dünya məni dərk eyliyə bilməz
Bu
dərd mənə sirri müəmma
Tale belə çəkmiş buna imza
Olsun neçə dost aşinam hətta
Amma məni dərk eyliyə bilməz
Olduqca
mürəkkəbdi qəlizdir
Ağlar gözümün yaşı dənizdir
Qəlbim kimi şəffafdı təmizdir
Dərya məni dərk eyliyə bilməz
Allahadı
bir təkcə ümid var
Yaddan ola bilməz mənə qəmxar
Yarım məni dərk etmədi, əğyar
Əsla məni dərk eyliyə bilməz
Tərk
etdi məni sevdiyim afət
Sevdim yenidən olmadı qismət
Baş açmadı məndən bu məhəbbət
Sevda məni dərk eyliyə bilməz
Fərzanə
Səfayəm çəkirəm ah
Ölsəm məni hamı anar eyvah
Bir kimsə sağ ikən görən Allah?
Guya məni dərk eyliyə bilməz?
24.03.2015
Əhdim
həmi andim həmi ilqarım ata
Həm hörmətim həm şöhrətim həm varım ata
Ac
qalmısan amma bizi ac qoymamısan
Dansam, deməli yoxdu həya arım ata
Xoş
gündədə pis gündədə tək qoymamısan
Dostdan da əzizsən mənə qəmxarım ata
Uğrumda
əsir oldu quru canından
Qurban elədi keçdi fədakarim ata
Qeyrətli
ömür hər kişinin kari deyil
İsmin kimi əhdində vəfadarım ata
Heç
bir əməl üqbadə cavabsız qalmaz
Cənnət nəsib etsin sənə ol Tarim ata
Pirani
də olsam dara düşsəm deyərəm
Gəl gəl yetiş imdadə xilaskarım ata
Dünyadə
səni etməz əvəz heç birisi
Dost aşina ya istədiyim yarım ata
Əslində
dəyərsizdi bu, şeyrim çün, adın
Vardır deyə qiymətlidi əşarım ata
05.04.2015
Dünyada yaşamaq dözüm istəyir
Həqiqət görməyi gözüm istəyir
Vicdanım təmizdir imkan vermiyir
Sırtıqlıq eyləsin üzüm istəyir
20.06.2015
Könlüm
daha dözmür
Hər şey baha dözmür.
Bir halda bu dərdə
Div əjdaha dözmür.
Bəxtim
nə gülübdür
Pis vəqt gəlibdir.
Heçkim də rəhm yox
İnsanlıq ölübdür.
Göz
yaş gilə gəldi
Həftəm ilə gəldi.
Dünyanın əlindən
Canım dilə gəldi.
Evlən
demə çox-çox
Evlənməyə pul yox
Üç yüz maaşımla
Külfət olacaq tox?!
Dəhşətdi
bu,dəhşət!
Pis gündədi millət.
Biz elm alaq hardan?
Təhsildədə rüşvət.
Ölmək
demə bir də
Olma bu fikirdə.
Ən yaxşısı ömr et,
Pulnandı qəbir də !
26.04.2015
Hər
yerdə tıxacdır, basabasdır.
Guya ki, bu yol pervi klasdır.
Neynək
axı! nazir başa düşmür
Yol tikməyə pul yox baş əsasdır.
Sağlam
yolu bərbad hala salmaq
Yoldan alınan, qanlı qisasdır
Daxildə
deyir, bir dəli şeytan
Edam eləyib bunları asdır
Məmurları
təsvir belə eylə.
Zahirdə qızıl tək içi pasdır
Üstün
tuturam hər geyimindən
Haqq kəlməsi əynimdə libasdır
Xalqın
puludur ciblərinizdə
Şəxsiyyətivin bəs kimə xasdır?!
Əlbətdə,
kasıblıq nə qanarsan?!
Süfrəndə ucuz tək ananasdır.
Səbr
eylə Səfa! Allaha xatir
Səbr eyləmək ən ali xilasdır
27.04.2015
*Hikmətli
kəsi xar eləmək, cahilə xasdır
Yox
xeyri, fərasətsizə quran qulaq asdır*
*
Molla Niyaz Ərəşliyə* təxmis
Ya-ya-ya
yanında olmaq, xə-xə-xə xəyal olubdur
Nə-nə-nə nə istədim mən, zə-zə-zə zəval olubdur
Mə-mə-mə mənimçün hər gün, mə-mə-mə məlal olubdur
Şə-şə-şə-şəha,camalın kə-kə-kə-kəmal olubdur
Lə-lə-lə-ləbin şərabı zü-zü-zü zülal olubdur
Gö-gö-gö
gözəlliyindən, o-o-o olalı agah
Bə-bə-bə bərabərində, yo-yo-yo yoxundu vallah
Kü-kü-kü küsürsən ey gül, ba-ba-ba barışmısan gah
Tə-tə-tə-təbarək Allah ,cə-cə-cə-cəmalın,ey mah
Gü-gü-gü-Gün ilə Ayə mi-mi-mi-misal olubdur
Nö-nö-nö
nökər təkəm xan, ə-ə-ə əsiriyəm mən
Bu-bu-bu bu dünya zindan, ə-ə-ə əsiriyəm mən
Hə-hə-hə həmi o canan ə-ə-ə əsiriyəm mən
Bə-bə-bə-bəlayi -hicran ə-ə-ə-əsiriyəm mən
Xə-xə-xə-xəyali -vəslin mə-mə-mə-məhal olubdur
Va-va-va
varındı əxlağ, yo-yo-yo yoxundu nöqsan
Mə-mə-mə mələksən ey gül , de-de-de deyilsən insan
Sə-sə-sə səmimi qəlbdən, de-de-de deyir bu nalan
Gö-gö-gö-gözün hərami o-o-o-olalı ey can
Sə-sə-sə-sənə bu qanım hə-hə-hə-həlal olubdur
Sə-sə-sə
Səfa bu eşqə, e-e-e edibdi təzim.
Zi-zi-zi zikr olubsan, di di di dilimde daim
Ki-ki-ki, olaq səninlə, və və və vəfadə qaim
Ni-ni-ni-Niyazi halın se-se se sevir qəmər kim
Qə-qə-qə-qəmin yeməkdən hi-hi-hi-hilal olubdur
10.05.2015
Öpərəm,
şövq ilə zəhmətkeş əlindən anamın
Mənə, çox xeyri dəyib hər əməlindən anamın
Dən
salıb saçlarının, həpsinə zalım dünya
Qalmayıbdır bir əsər, qarə telindən anamın
Deyər
öglum! sənin uğrunda bu, candan keçərəm
Zərrəcə, qorxusu yoxdur əcəlindən anamın
Göz
açandan onu rahət yaşıyan görməmişəm
Qəlbi məndən, narahatdır əzəlindən anamın
Gözəlim!
çox demə səndən gözəl üstün yoxdu
Vardı üstünlüyü dünya gözəlindən anamın
Saxla
hər vaxt, anamın hörmətini övlad tək
Gələr əlbət, xoşu ismətli gəlindən anamın
Bu
Səfa kimdi görən? nəzmə çəkibdir ananı
Halı, əhvali düzəldi qəzəlindən anamın
28.06.2015
"Ömrümə
az qalıb gedirəm artıq"
Gəlib
məzara baş çəkmiyin mənə
Yas tutub qurmayın adət ənənə
Gülürəm öləndə gülərəm yenə
Öləndə demiyin getdi bu yazıq
Verirəm
and səni ağlama gülüm
Qəbirdə cismimi dağlama gülüm
Gözünün yaşın sil bağlama gülüm
Qapqara zülfünə qapqara yaylıq
Ölməmiş
bir yuxu görmüşəm gecə
Qəbirdə susamış halda sadəcə
Buludlar ağlayır mənimçün necə
Yağışın yağdırır verir qonaqlıq
Ey
zalım öyünmə səndə nə vardı?
İnsanlar sərnişin dünya qatardı
Hər kəsən özüylə bir şey apardı
Səndə pul məndə də söz dolu sandıq
28.06.2015
Canımı
məndən alır ,baxdıqca şəhla gözlərin
Bəxş edibdir ömrümə, bir ayrı məna gözlərin
Sevgilim!
zülfün gözəl, nazın gözəldir amma ki,
İlk baxışdan qəlbimə, salmışdı sevda gözlərin
Gərçi,
qəlbində həsəd olmazsa hər bir nazənin
Sidq ilə söylər ki var ə`ladan ə`la gözlərin
Mən
səni Leylalərə bənzətməm əsla sevgilim
Çün mənə Leyladan artıqdır o rə`na gözlərin
Bir
dəfə getsən əgər, gül bağına gül süzməyə
Etdirər bülbüllərə min nəğmə ifa gözlərin
Gözlərindən
bir ömür sürsün Səfa doymaz yenə
İstəyərki ki, qəbrinə etsin təmaşa gözlərin
02.08.2015
Biz
axı, dərd əhliyik, gülmək yaraşmır bizlərə
Ağlayıb göz yaşını, silmək yaraşmır bizlərə
Biz
axı ,Şah İsmayıl, Babəklərin övladıyıq
Erməniynən torpağı, bölmək yaraşmır bizlərə
Allahın,
bəxş etdiyi can sağlığın qədrin bilək
Fani dünya qədrini bilmək yaraşmır bizlərə
Məzlumun,acizlərin
ol həmdəmi çat dadına
Dinmə dəvətsiz yerə gəlmək yaraşmır bizlərə
Ey
Səfa xəlq olmuşuq ki , yaxşılıqnan ad edək
Faydasız ömr eyləyib, ölmək yaraşmır bizlərə
04.08.2015
Yoxdur
ele bir şey mənə, canandan əzizdir
Canan mənə, ruhumdan həmi candan əzizdir
Axtarmamışam
dərdə dəva,özgə gözəldə
Yarım mənə dərd versə də, dərmandan əzizdir
Namərd
və riyakardan uzaq gəzmişəm ey yar!
Azadlıqım əlbətdəki, zindandan əzizdir
Baxma
yaşadım, xeyli gözəl anlar içində
Yar ilə keçən, bir anım hər andan əzizdir
Basdır
məni, "yar dəfn olunan yer" alağ olsa
Mərmərdən olan, hər qəbiristandan əzizdir
Mən
razı, cəhənnəmdə olum yar ilə birgə
Canansiz olan, cənnəti-rizvandan əzizidir
Şair
kimi, biganə məni istəməsin qoy
Onsuzda Səfa, yarə qəzəlxandan əzizdir
İstirahət,
bilməyir yorğun canım
Səs ,səmirsiz sızlayar, susqun canım
Öylə
bir gün yoxdu ki, dərd görməyim
Sanki gəlmir ruhuma uyğun canım
Evsizəm,
hər gün duamdır Allaha
Kaş, bu il görməzdi qar,çovğun canım
Qəlbimi,
Allah adı pak saxlayıb
Nola, hər gün görməyib sabun canım
Pul
pərəst əğyarı sevmə! sev məni
Ay sənin, şux sərvinə, vurğun canım
Mən
həqiqət aşiqi, divanəsi
Əlqərəz, əfsanədir məcnun canım!
Növbəti
dərddən Xudavənd saxlasın
Gördüyün görmüş Səfa! əfzun canım
21.09.2015
Yarım!
bilirəm ki, məni ölsəm unudarsan
Hər dərdimi sənlə belə bölsəm unudarsan
Əvvəlki
kimi ilk baxışımdan tanımazsan
Ölsəm, təzədən dövrana gəlsəm unudarsan
Gənc
ömrümü, qarə telinin qurbanı etdim
Sərf, eyləməz idim sənə bilsəm unudarsan
Kimlər
unudulmur ki ,gülüm fani həyatda?
Qırx gün ,cəmi torpaqda əzilsəm unudarsan
Sənlə
acı davrandığım üçün mənə söz ver
Mən, son nəfəsimdə sənə gülsəm unudarsan?
09.12.2015
Biz
manat, zorla taparkən, dolanarkən birdən
Dolların
qalxmağını, yüklədilər çiynimizə
Gece
gördüm yuxuda, vergilərin beyni çönüb
Göz
dikib, mal qaralardan alınan peynimizə
Üzdə
dindarlığımız, olsa da pul parə üçün
Quranı,
rus arağıynan qoyarıq eynimizə
Daha
bu ölkədə əldən kişiliymiz alınıb
Bircə
o qaldı, gedək yupka geyək əynimizə
Qorxumuz,
yoxdu Səfa! boynu yoğun məmurdan
Assalar
da, yazarıq gəlsə kəlam beynimizə
30.01.206
Gəl
yad eliyək keçmişi əvvəl kim olubsan?
Sən qanlar içib zülm eliyən zalim olubsan
Korropsiya
ləğv olmağı haqqında danışma
Rüşvətlə alıb diplomunu alim olubsan
Sən az
özünü bizlərə aslan kimi göstər
Məmurlara quyruq buluyan daim olubsan
Yoxsa
adını bilməz idi bir köpək oğlu
Dillərdə pulun xatirinə təqdim olubsan
Millət
nece tarac olur olsun nə işin var?
Qoy cümlə cahan batsa da sən salim olubsan
Barmaqlarını
qatla kimə xeyrin olubdur
Ad var ki bizim ölkəmizə xadim olubsan
Əhsən
Səfa xəlvətdə nə var aşikar etdin
Haqq şairi tək xalqın üçün təhkim olubsan
27.09.2016
Hansısa binamusa,
biqeyrətə baş qoşmaram
Mənasız hər bir sözə hər söhbətə baş qoşmaram
Eybi
yox daşdan çıxan ruzi halal xoşdur mənə
Min haramla əldə olmuş nemətə baş qoşmaram
Allahım
təkdir mənim yoxdur şəriki as məni
Bütdə Allahlıq görən bir mürtətə baş qoşmaram
Yoxdur
azadlıq mənə cananıma can borcluyam
Verməyincən canını hürriyyətə baş qoşmaram
Xəmrimiz
şükr Allaha ki mərifətdən yoğrulub
Zövqi-seytandan doğan eyş-işrətə baş qoşmaram
Neynirəm
yarım mənim zərri ziba tək yar ola
Valideynin sevmiyən bir afətə baş qoşmaram
Cahila
can tapşırırsan, söyləyirdin bir zaman
Kim qalır, kimlər gedirsə rəhmətə baş qoşmaram.
Ya
Səfa vaxtsız qocaldın çox düşündün hər şeyi
Bəlkə sən söz ver de ki, bir müddətə baş qoşmaram.
29.12.2016
Gözümün
nuru sənsən gözəlim
Sən elə özümsən mənsən gözəlim
Sevgimlə
düşmüşəm sənin izinə
Mənə cənnətdir baxmaq gözünə
Qəmlənmək yaraşmır,gözəl üzünə
Hər zaman görüm ki şənsən gözəlim
Görsən
ölürəm çəkmə çox kədər
Danış sevgilim olmayım hədər
Ömrümə,ömür qatarsan əgər
O incə səsinlə dinsən gözəlim
14.06.2017
Əldən alınıb haqqımız ancaq susuruq biz
Haqqı hesaba gündə yalandan basırıq biz
Kül başımıza evdə acından ölür hər kəs
Qonşum qazanır pul necə? xəlvət pusuruq biz
Ac gözlük edib çox fəqirin malını tıxdıq
Yəqin bu səbəbdəndi ki bir-bir qusuruq biz
Allah dediyin etsə idik, birlik olardı
Zənnimcə də şeytana qulağ çox asırıq biz
Şairləri, Alimləri öldükdə sevirlər
Cansız şəkilin xatirələrdən asırıq biz
28.10.2017
Nədən
Ya Rəbb! bu dünyayə gəlib zalım, pis insanlar?
Nədən çoxdur pis insanlar, nədən az xalis insanlar?
Rəhmkar
mehriban Allah! yetər qəddar üzün göstər
Qiyamət gəlməmiş çəksin, cəzasın iblis insanlar
Nə
qeyrətsiz, nə namussuz, nə vicdansız doğulmazlar
Ana bətnində əxlağdan olarsa tədris insanlar
Səfa,
əslində qədrin yoxdu sağlığda bu adətdir
Öləndən sonra insanə qurarlar məclis insanlar
20.10.2017
Öyrən
özünə sən də gün ağla cavan oğlan
Aç bir kitabı sən də varağla cavan oğlan
Başla
Nyutondan, Qalileydən Edisondan
Alimlərin haqqında sorağla cavan oğlan
Bel
bağlama var dövlətə yad dostlara heç vaxt
Bel təhsilinə, elminə bağla cavan oğlan
Avarəliyi
qoy qırağa bir xeyir iş gör
Qoy hamı görə gəlmisən ağla cavan oğlan
Rəhmətlik
atan çox dedi öyrən bala dərsi
Peşmançılığın xeyri yox ağla cavan oğlan
Dərk
etməsə insan özünü yoxsa nə xeyri
Döysəm də səni, əllə çomağla cavan oğlan
İbrət
sənə cahil gəzişən sınmış ağacdır
Sən gəzdin onu xırda budağla cavan oğlan
Aclıqda
sənin çəkməyə dərdin məgər azdır?
Çəkdin siqaret hansı marağla cavan oğlan
Düz
yolda sənin mərdiməzar qarşına çıxsa
Lənət denən addımla qırağla cavan oğlan
Tənqidi
qəzəl yazmağımın məqsədi vardır
Diqətlə məni dinlə qulağla cavan oğlan
Qardaş
kimi ərk etdi Səfa haqqa tələs gəl
Hörmətlə və izzət qanacağla cavan oğlan
10.12.2017
Dostumu
xoşbəxt görüm Həqqi Təalla istərəm
Ömrünün hər anına bir ayrı məna istərəm
Çox
gözəl gündür bu gün çün vəslə yetdin yar ilə
Ailən olsun təmiz eşq üstə inşa istərəm
Canla
başnan əlləşib bir şer icad etmişəm
Kaş olaydı adına layiqli misra istərəm
İnşallah
bir görək övlad payından ol nəsib
Fərqi yox oğlan ya qız əladan əla istərəm
Düzdür
olmur insanın qəmsiz kədərsiz hər günü
Xoş gün içrə olmasın qəm vaxtı peyda istərəm
Xırda
göz yaşın görüb kimlər əgər tən eyləyər
Onların göz yaşı olsun kaş ki dərya istərəm
Baxma
gəncəm anlaram sevmək nədir pir olmuşam
Yüsifi Kənan kimi misli Züleyxa istərəm
Mən
Səfanın xoş gözəl gündən səva yox arzusu
Xaliqimdən ən gözəl günlər təmənna istərəm
25.12.2017
Atasın
qəbrini bilmir haradır həccə gedir
Anasın xəstə salıb üz qaradır həccə gedir
Dillənirsən
ki anan acdı deyir yoxdu pulum
Buna Allah necə imkan yaradır? Həccə gedir
Köpək
oğlu yetimə bir qəpiyindən keçməz
Deyir əl çirkidi də pul paradır Həccə gedir
Bacının
ölmüş əri evdə acından qırılır
Qardaşın geydiyi don zərxaradır həccə gedir
Nankor
övladı üçün gorda narahatdır ata
Çat düşüb qəbrinin üstü paradır Həccə gedir
Atanın
ruhuna bir yasini qıymır oxuya
Gəl ziyarət neçə min dollaradır həccə gedir
Mən bu
şer atəşinə tutmuram hər bir həcini
Kim fırıldaqdı sözüm onlaradır həccə gedir
Dinə
gəlməzdən əzəl vicdana gəl yaxşl olar
Bəndədə vicdan olandan soradır Həccə gedir
29.12.2017
Bilir
Allah necə ah nalə çəkibdir Xocalı
Qırılan
körpələrin orda nə idi babalı?
Cavabı
susmaq olar, kimlərə versən sualı
Soyqırımdır
bunun adı vurulub qəlbə xalı
26.02.2018
Hər
iki dünyada, Allahdan bağışlanmazdılar
Hansı,
övlad valideynə zülm edər qəddin bükər
Çox
çox əfsuslar, ola dünyada çoxdur böyləsi
Valideynə
dağ çəkib, öz yarının nazın çəkər
18.12.2018
Dosta
düşmən kimiyik, düşmənəsə yarilərik
Yaxşını pislərə qatmaqda, xətəkarilərik
Tapa bilməz
bir həkim dərdimizin çarəsini
Doğulandan bu fəna mülkünə bimarilərik
Köpəyin
zahiri çirk, daxili xoş amma ki, biz
Üzdə xoş, sadəlövük qəlbi riyakarilərik
Səbrimizdən
daha əvvəlki kimi yoxdur əsər
Etməmiş xətmi quran ayəsi, dindarilərik
Ruzi-məhşərdə
bizi təsdiq edən olmuyacaq
Haqqı göznən belə görsək, yenə inkarilərik
Gündüzün
gün gözüdürsə, gecənin aydı gözü
Hər nə xəlvətdə edərsək, açıq aşkarilərik
Boşuna
yorma Səfa çox özünü xeyri nədir?
Şeri-mülkündə olan şairi-naçarilərik
26.08.18
Baba
Pünhanın "Qudurğan olsa neynərsən?" qəzəlinə yazdığım nəzirə:
Yağış
nemətdir, ancaq ki bu leysan olsa neynərsən?
Qaçıb gizlənmə yoxdu xeyri yeksan olsa neynərsən
Acından millətin bir gün yarımcan olsa, neynərsən?
O can üstə, sənin ömrün firavan olsa neynərsən?
Həyat
çox darlaşıb artıq, necə dardır cığırlar da
Bu darlıqdan edir üsyan, neçə insan bayırlarda
Didərginlər səfalətdən əgər ölsə çadırlarda,
Vəkillər maliki-mülki-Süleyman olsa neynərsən?
Ədəb,
əxlaq gözəl şeydir, bu təhsildə bu tədrisdə
Təki xalqım elmlənsin, demirsən heç gözüm üstə
Koroğlu qeyrətindən dəm vururkən Milli Məclisdə,
Müsəlman qızları məktəbdə üryan olsa, neynərsən?
Gözüm
aydın gedib həccə, hacı olmuş Hacı Şakir
Dünən kartof satan qonşum, bu gün xalqın satan nazir
Vəkil artist, vəkil şair, vəkil xanəndə və sair,
Dəyirmanın əgər dənsiz dəyirman olsa, neynərsən?
Var
ikən ölməyin sirrin, get öyrən qəlbi ölmüşdən
İşin yoxdur sən ey zalım, beli, qəddi bükülmüşdən
Əzilmişdən, üzülmüşdən, əyilmişdən, sökülmüşdən
Döyülmüşdən axan qanlar nahaq qan olsa, neynərsən?
İşi
düşsə bir insana, gələr çox axtaran kəslər
Nə bilsəydim bular bir gün olarlar baş yaran kəslər
Seçilməkçün düşüb mənzilbəmənzil yalvaran kəslər,
Seçildikdən bir az sonra qudurğan olsa, neynərsən?
Edər
xalqa nələr agah? özündən olmuyan agah
Bizə gör kimlər örnəkdir efirlərdə ayıb vallah
Bu mavi ekranım çox əyrini düz göstərir, billah.
Tutub usta düzəltdirsəm, düz ekran olsa, neynərsən?
Şükür
Allaha əlbətdə, ilin ilsə, günün günsə
Səfa dönməzdi yəqin ki, zamanın çərxi tərs dönsə
De ki, Pünhan, zaman dönsə, tutulsa Ay, Günəş sönsə,
Səmadan Zülfüqar ensə – o dövran olsa, neynərsən?
05.12.2018
Paxıllıq
edirdin nədən? yanırdın
Yoxsa
ki özünə çox inanırdın?
Zalımlıq
gör səni nə günə saldı
Fağırın
Allahı yoxmu? sanırdın
02.02.2019
Ömrümün
xoş baharı, ətrli reyhanımsan
Tay, bərabərsiz olan sevgili cananımsan
Sevinir
sən təki vardır anası, oğlum Əli
Həm həyat yoldaşısan, ən yaxın insanımsan
Min
şükürlər ola, sənlə keçirən hər anıma
Yaxşı varsan gözəlim, mənalı dövranımsan
O,
utancaq baxışından və həyandan yoxdur
İncə səsli, qarasaçlı gülərüz xanımsan
Alıram
boynuma hərdən sənə çox hirslənirəm
Gəlki, əslində mənim dərdimə dərmanımsan
Evimin,
ləzzətisən, övladımın cənnətisən
Bağısan, bağçasısan, güllü gülüstanımsan
Bizi
xoşbəxt eliyən Allaha əl açdı Səfa
Yara can sağlığı ver, Xaliqi-Sübhanımsan
16.07.2019
fAİlAtün fAİlün
Can vətənpərvər balam
Yaxşı yol, əsgər balam
Heçnədən qorxmaz igid
Ən böyük addır şəhid
Ol Mübariz, ol Fərid
Dildə ol əzbər balam
Görməsin canın, məlal
Hərbi xidmət çək fəal
Torpağ uğrunda halal
Tökdüyün qan-tər balam
Erməni bəd heybətin
İşğal etmiş, dövlətin
Düşmənə güc, qüvvətin
Et subut göstər balam
14.08.19
Həyata
pis deyən insan, başa düşmür özü pisdir
Cəmi insanlara baxsan, onu yaxşı yüzü pisdir
Ayda
üç yüz maaş ilə, kredit villa nöş almış
Soruşa bilməyirəm heç, deyəcəklər gözü pisdir
Xeyli
gənc qız ləkə salmış, o müqəddəs ana adna
Göbəyin üstü açığdır, ətəyin razrezi pisdir
Bir
zamanlar ayağ üstə vətənin qoruyan oğlan
İndi möhtaclıq əlindən, sürünür dizdizi pisdir
Toxun
acdan xəbəri yox, nə bilir ki kasıb evdə
Sınıb stol, deşilib süfrəsi hətta mizi pisdir
Bişərəf
oğlu olunca, ata kaş sonsuz olaydı
Tüpürüm mən belə bir yadigara hər izi pisdir
Çoxunu
görkəmi xoş olmadığıyçün yola verdik
Kitabı aç oxu bir bax, nə olar cild üzü pisdir
Yazdığı
şeri Səfanın, xoşuna gəlmədi xalqın
Dedilər haqq deyənin bəs, acıdır hər sözü pisdir
08.05.2020
Qəlbimi
fəth eləyən, sevgili dildarım var
Yüz gözəl yarə dəyən, öz gözəlim yarım var
Kişilikdən
deyil o, özgəsinə həmdəm olum
Nəfsimin sahibiyəm, çünki həya arım var
Demə
peyğəmbərimin bir neçə arvadı olub
Mən müsəlman belə olsam, ona inkarım var
Ola
bilsin ki deyil, razı çoxu fikrim ilə
Gəl fəqət tək deyiləm, xeyli tərəfdarım var
Ol
xəyanətdən uzaq, çünki bağışlanmazdır
Əksinə fəxr elə ki, əhtim həm ilqarım var
Ağlımı,
birdə səadətmi əlimdən alma
Elə billəm ki, böyük səltənətim varım var
Olaq
hər vaxt gözəlim, mərdiməzarlardan uzaq
İnşaAllah eşidər arzumuzu, Tarım var
Səfanın
baği-məhəbbətdə bitən laləsisən
Səni vəsf eyləməyə, söz dolu əşarım var
22.05.2020
Rəcəz
bəhri, Müstəfilün-3
Haqq
zalımı peşman edər, bir gün gələr
Dövranı xoş dövran edər, bir gün gələr
Çirkin
əməllər ucbatından diz çöküb
Yalvar, yaxar insan edər bir gün gələr
Hər
dəfə baş çəkməkdəyəm dərgahına
Qəbul məni, canan edər, bir gün gələr
Solmuş
saralmış rəsmini təsvir edib
Qulluq gülə bağban edər, bir gün gələr
Uysan
bu dünya malına, bir yol tapıb
Öz bildiyin şeytan edər, bir gün gələr
Çərxi-fələknən
oynama, yoxsa səni
Dar torpağa ehsan edər, bir gün gələr
Dar
gündə qoymaz Tanrı, hər bir insanın
Hər müşkülün asan edər, bir gün gələr
Vicdansız
insanlar ölər, millət onun
Qəbrin söyər, nalan edər, bir gün gələr
Pul,
parə bilməzdim ki qan qardaşların
Bir-birinə düşman edər, bir gün gələr
İşğaldan
azad eyləyər torpağların
Şadlıq Azərbaycan edər bir gün gələr
Şeri
Səfanın zövq verər, ümmid edir
Dillərdə xalq dastan edər, bir gün gələr
01.06.2020
Həzəc,
məfAİlün fəUlün-2
Dilərsən
hər nə məndən, gözüm üstə baş üstə
Əlimdən hər nə gəlsə bir altdan bir daş üstə
Mülayim
olma könlüm, həmən görsən gözəllik
Məsəl vardır gəzərlər, ilanlar daşqaş üstə
Zamandan
hər gedən an, qənimdir canlılarçün
Olur təslim cavanlıq, gələrkən yaş yaş üstə
Peşiman
olma könlüm, ötən günlər qayıtmaz
Heyifslənsən nə fayda, yığılmış kaş kaş üstə
Halal,
vicdanlı kəsdən gəzərlər yan gədalər
Ölər mərdanə aslan, gələr çaqqal laş üstə
Vəsiyyətdir
bu məndən, Səfaya ölsəm işdi
Oxu yasin şeirnən, məzarə bardaş üstə
04.06.2020
Çıx
get aramızdan, kiş-kiş a Karona
Səndən edirik biz, xahiş a karona
Çarəndə
tapılmır, acizdi səhiyyə
Görmüb belə bir dərd, keçmiş a karona
Təslim
əgər olsan, rüşvət sənə qurban
İmzala bizimlə , saziş a karona
İnternetə
baxsan, həm telvizor açsan
Səndən deyir hər bir, verliş a karona
Lənətlənərək
lap, kovid adı altda
Çindən bizə paysan, bəxşiş a karona
Spirtlənir
əllər, həm maskalanırsan
Sayəndə biz etdik, vərdiş a karona
Qorxutmaz
əzizim, islanmışı leysan
Əsla bizə yaddır , təşviş a karona
Yazıq
kasıb oğlu, nə ilə çörək alsın
Bağlandı əlindən, hər iş a korona
Meydan
oxuyursan, dünyayə bir ucdan
Odlarə düçar ol, yan biş a karona
05.06.2020
Sabira!
day nə yazım? axtarıram söz yoxdur
Qaçıb haqsızlıq əlindən, deyəsən düz yoxdur
Biz ki,
vardıq biz idik, birliyimiz möhkəm idi
Daha bizdən ayırıblar, o bizi, biz yoxdur
Ataraq
böhtanı şər qüvvələri, çox qınama
Hər nə hal var, özümüz eyləmişik, göz yoxdur
Vətən
uğrunda döyüşmüşlərə hörmət budumu?
Ürəyi güllə görüb, göz kor olub diz yoxdur
Bizi
əhv eylə Şəhid! yerdə qalıb qanın hələ
Qəbrinin üstə necə güllər atım? üz yoxdur
Həftənin
yeddi günü dərd tıxırıq, qəm yeyirik
Nə bizə bəsdi deyən var, nədə pəhriz yoxdur
Tülkülər
şadlıq edir, zənn edir aslanlar ölüb
Ulayır ermənilər, sanki "Mübariz" yoxdur
Səfa
hazırdı tuta, şeri ilə düşmənə toy
Sözümüz güllədən əfzundu təcavüz yoxdur
12.06.2020
Səni
yadlar taladı ey başı qovğalı vətən
Qarabağım sənə divanədi, sevdalı vətən
Yox
idi ölkəmizin işverəni, bəs dedilər
Səni kimlər de görüm satdı müəmmalı? vətən!
Ey
oğul olma şəhid, tökmə qanı boş boşuna
Verilib erməniyə, sən demə imzalı vətən
Haqq
yerin tapmayanaycan, dilimiz hayqıracaq
Yoxsa mən sürmərəm öz ömrümü mənalı vətən
Bağlayıbdır
qara yaylıq üzünə, yas tutaraq
Zülmətə qərq olunub, nur kimi simalı vətən
Hərə
bu mülkdə öz meylini bir yarə salar
Sən gülümsən, sənə mən bülbülü-şeydalı vətən
16.06.2020
Könlümü heyran edib, bir nazənin göy gözlü qız
Sərvi qamət, incə belli, simadan ağ üzlü qız
Mən səni seyr eyləyib gizlincə vəsf etməkdəyəm
Sən məni tellər arasından süzürsən gizli qız
Bir gözəllik bəxş edib Allah sənə bil qədrini
Ey qılınc qaş, sarı saç, şalvarı dizsiz dizli qız
Mənəviyyatdan kasıb, zəngin birindən qaç çalış
Qəlbi saf, vicdanlı kəsnən ol tanış, ol sözlü qız
Var Səfanın təklifi, gəl vəslə yetməzlər kimi
Mən Azərbaycanlı oğlu səndə ol Təbrizli qız
21.06.2020
Ölmək də doğulmaq da pul ilə
Pul xərcləyirik hər üsul ilə
Sənlik deyil o, kofe snikers
İç köhnə çayı qənd, noğul ilə
Girdabi-qəmə batmamaq üçün
Dəstək tapırıq stimul ilə
Dünya düzələr bəlkə də onda
Həmsöhbət olar şahı qul ilə
Azdırmı atıb tərk eliyənlər
Fəxr etmə ana!, hər oğul ilə
Tədris olunur altı yaşından
Rüşvət bizə, məktəb, okul ilə
Dünyanı maşın tək sürən insan!
Çox oynama tormuzla, rul ilə
22.06.2020
Bu nə ardır, mədəniyyətdir axı lütləşirik?
Elmi təhsildən uzaq yan gəzirik, kütləşirik
Çox xeyirsizləri doğduq, toxumun əkdik biz
Sanki doldurmaq üçün kainatı cütləşirik
Yeyib içməkdən ibarətdi həyat bir çoxuna
Ciddi dünyanı zarafat sanırıq, şitləşirik
İşlədiblər bizi üç yüz manata it yerinə
Elə bil boyna qalustuk taxaraq itləşirik
Nə muğamnan aramız var, nə qəzəl dinləyirik
Ledi qaqayla, Rihanna baxırıq xitləşirik
Gəlirik qeyrətə hərdən eliyək haqqı tələb
Sonra təcridxanada ram ilə sakitləşirik
Peşəmiz çayxanada kart, damino, qeybətdir
Böylə bir yolla nə inkşaf axı, sabitləşirik
Pozulub başdan ayağa psixologiyamız
Görüb alçaqları, nadanları banditləşirik
Arizu etdi Səfa kaş bu cavan yaşda ölə
Nə rak olduq, nə də serroz, nə meningitləşirik
24.06.2020
Yar nə
qədər sağdı canım, sağsalamat qədrimi bil
Azdı ömür
müddətimiz, heçdir həyat qədrimi bil
Aşiqi-
zarəm sən üçün, yoxmu vəfa səndə gülüm?
Yad elə
hərdən məni bir, ol narahat qədrimi bil
Nəfsinə
hakimlik elə, təkcə sənə mən qalaram
Az məni
pul-parəyə var dövlətə sat qədrimi bil
Sənsiz
olan hər günümün, kabusu məhv etdi məni
Rəhm elə
nolar mənə yar, dadıma çat qədrimi bil
Nazını
illərlə çəkib, oxşamışam telllərini
Bir dəfə
də sən gözəlim, başımı qat qədrimi bil
Torpağın
altında qonaq olsam əgər, mehmanım ol
Qəbrimin
üstündə çıxan, kol-kosu at qədrimi bil
Mən gecə
gündüz keşiyin, çəkmək üçün əsgərinəm
Rahət ol
ey gül oyağam, sən uyu yat qədrimi bil
Yadə
vəfasız! salaraq, sənlə keçən hər günümü
Sutkaların
xatirinə, bircə saat qədrimi bil
25.06.2020
Şeri bağının bülbülüdür
Tofiq Həsənli
Haqq şairi, haqqın
dilidir Tofiq Həsənli
Şerin oxuyan bilmədi
keçdi nə təhər vaxt
Öz milləti üçün ayırıbdır
bu qədər vaxt
Tənqid edib alçağları,
yaltağları hər vaxt
Sabir, Babanın stilidir
Tofiq Həsənli
Həm dindarı həm şeytanı təsvir
eləyibdir
Tərsinə gedən dövranı təsvir
eləyibdir
Nəzm ilə Azərbaycanı təsvir
eləyibdir
Xalqın iç üzü daxilidir
Tofiq Həsənli
Ruhən qocalıb baxma ki,
vardır yaşı əlli
Çəkmiş başı bir sevgili afətdən
əməlli
Siması edir, arifə, fərzanəyə
bəlli
Dərdin özüdür nisgilidir
Tofiq Həsənli
Açdı gözünü Lənkəran adlı
bu məkanə
Şükr Allaha xəlq onu,
xalqa zəmanə
Doğmur hər ana böylə sənətkarı
cahana
Əsrin doğulan tək ilidir
Tofiq Həsənli
Xoşbəxtdi o insanki salıb
tarixə bir iz
Ustad! gedirəm, mən sənə
qurban xudahafiz
Xalq sorsa əgər ki, vətənin
kimlərisiz siz
Məhbubu Səfa, sevgilidir
Tofiq Həsənli
27.06.2020
Dərdimiz ağırdı ey dost, gəl çəkək tarazuda?
Mən vətən xalq dərdini, sən vari-dövlət dərdini
Qanına qəltan olub, ölmüş qırılmışlardanam
Torpağımdan güc bəla ilə atılmışlardanam
Mən didərgin düşmüşəm, yurdu satılmışlardanam
Gəl el oğlu birgə mənnən çək bu qeyrət dərdini
Biz axı söz atmadıq ki, özgələr qeysusuna
Qız, gəlinlərmiz əsirdir erməni casusuna
Göz dikibdir ehtiraslanmış yağı, namusuna
Hansı üznən bəs çəkirsən, eyşi-işrət dərdini
Cürbəcür dərdlər görübdür canımız, əzm etmişəm
Xeyli dərdə süfrələr açdırmışam bəzm etmişəm
Allahın göndərdiyi hər dərdini həzm etmişəm
Yükləyib gəzdirmədim, çiynimdə qismət dərdini
Yüz polis var ətrafın sanki xəlifəndir sənin
Bizlərə vəd etdiyin hər söz lətifəndir sənin
Xalqa xidmət eyləmək çünki, vəzifəndir sənin
Ol cəmiyyəyət içrə ki, öyrən cəmiyyət dərdini
Ayrılıb dərdində yanmaqdan dul olmaq yaxşıdır
Mərhəmətsiz Padişahdansa qul olmaq yaxşıdır
Gözləri ac zadəgandan yoxsul olmaq yaxşıdır
Qorxudan axşam-səhər eylər qənimət dərdini
Ey Xuda lütf eyləyib verdin mənə qəm zülmünü
Sən Səfaya vermisən ki, çəksin aləm zülmünü
Gəlməmiş məhşər günü, verdin cəhənnəm zülmünü
Vermə sən bari, çəkə öldükdə cənnət dərdini
29.06.2020
Fəqir haqqın yeyən kəslər utansın
Pula qəddin əyən kəslər utansın
Xuda xəlq etdiyi dünyadə yahu!
Biraz mən-mən deyən kəslər utansın
Vətən qeyrətdi, namusdu toxunmaz
Bu meyara dəyən kəslər utansın
Salıb səhv dostu düşmənlə inandıq
Yalandan don geyən kəslər utansın
Əzazil, güclüdən qorxub köpək tək
Zəif, aciz döyən kəslər utansın
Səfa haqqı sevənlərçün de gəlsin
Sözündən inciyən kəslər utansın
05.07.2020
İlanın qarəsinə ağına lənət
Eləcə erməni daşnağına lənət
Elə millətdi ki, çiynində mələklər
Eləyir həm solu həm sağına lənət
Tökəsən stəkana erməni qanın
Yazasan erməni torpağına lənət
Tüpürüm himninə və içdiyin anda
Qırmızı, göy, sarı bayrağına lənət
Qarabağ cənnətimiz adlı məkanda
Saldığı bağçasına bağına lənət
Kafirin gülləsinə mərd şəhid oldu
Çaxmağı basdığı barmağına lənət
Məsələ həllini tapmır otuz ildir
Atətə, Nato yığıncağına lənət
Ölkə hazırdı döyüşsün elə əmri
Getmiyən vardısa qorxağına lənət
Ta Qarabağı alınmazsa Səfanın
Ömrünün xoş keçən hər çağına lənət
24.07.2020
Addımı atmağımızdır Fizika
Oyanıb - yatmağımızdır Fizika
Maddi obyektə tərəf addım ilə
Yürüyüb çatmağımızdır Fizika
Arximed qanununun isbatıdı
Üzməsək batmağımızdır Fizika
Biz fiziklər buna öyrəncəliyik
Qəm yükün dartmağımızdır Fizika
Zamanın çərxi mühərrik kimidir
Onu fırlatmağımızdır Fizika
Suyu içmək özü bir möcüzədir
Onu qaynatmağımızdır Fizika
Çətin elmə veririk sadə izah
İncəlik qatmağımızdır Fizika
İki lingin bu tarazlıq halıdır
Qolu sallatmağımızdır Fizika
Səfa hərdən düşünür dünyanın
Nəbzini tutmağımızdır Fizika
01.08.2020
Kişi sanmışdım həyatı, kürəyimdən vurdu
Kürəyə atdığı zərbə, ürəyimdən vurdu
Davranır mənlə fələk, körpə uşağ tək sanki
Nəyə ki mən əl uzatdım, biləyimdən vurdu
Dost dedim bağbana, qısqandı bizim sevgimizi
Tikanı məhv eləməkdən, çiçəyimdən vurdu
Kamana qoydu oxun, çəkdi ədalətsiz həyat
Haqqa düz baxdığım üçün, bəbəyimdən vurdu
İldırım vurmadı on mərtəbəli zalım evin
Arada zalıma hürmüş köpəyimdən vurdu
Xoş təbəssüm gətirə bilmədi qəmgin üzümə
Qıdığın zalım həyat, çox göbəyimdən vurdu
Neyəmişdim?, çörəyə bais olan qonşumuzun
Toyuğu hər dəfə dimdik çörəyimdən vurdu
Vətənin dərdini çəkməkçün anam doğdu məni
Etiraz eylədim, ancaq bələyimdən vurdu
05.08.2020
Sahibin yoxmu sənin ay yiyəsiz tərbiyəsiz?
Aparırsan özünü tərbiyəsiz, tərbiyəsiz
Ölkəmiz əndamı çöldə qalana hörmət edir
Qadağa yoxdu, yaşa maniyəsiz, tərbiyəsiz
Nə deyim mən evin ağsaqqalı, ağbirçəyinə
Buraxıblar dolaşırsan ciyəsiz tərbiyəsiz!
Çoxu oldu can alan gözlərinin qurbanı
Kor olaydı o gözün kaş tiyəsiz tərbiyəsiz
Milli mentaltetə sığmır yaşayış davranışın
Hər sözün çərçivəsiz, haşiyəsiz, tərbiyəsiz!
Ey cavanlar! elin əxlaqlısına kim sataşar
Yaxasından yapışarsız deyəsiz tərbiyəsiz
Səfanın qafiyəsi vermir aman, təhqir edə
Şeirə uymur adın qafiyəsiz tərbiyəsiz!
19.08.2020
Vaxtımız az, arzumuz çox
Pul da yoxdur, borcumuz çox
Çox siyasətdən danışma
İş verəndir qonşumuz çox
Biz nəyə haqq söyləmişdik
Çıxdı yanlış doğrumuz çox
Gəncliyə təbliğ olundu
Adı çıxmış şortumuz çox
Haqq yeməkdən qorxmadıq heç
Vardı arvad qorxumuz çox
"Çox şükür Allah" deyən az
Baxma vardır ruzumuz çox
Xətrimiz incəldi qıl tək
Həssas oldu duyğumuz çox
Bilmədik, bildik danışdıq
Dəxlisizdir mövzumuz çox
17.09.2020
Kaş öləydim bu cavan yaşda gedəydim
Həkk olaydım neçə yaddaşda gedəydim
Kaş cəhalət quyusundan çıxarardım
Neçə cahil, adı ən başda gedəydim
Xalqımın dərdini min ahla çəkincən
Doğulaydım daş ürək daş da gedəydim
Məzarım kaş can alan çöhrən olaydı
O həmin gözdə, həmin qaşda gedəydim
22.09.2020
Düşdüyüm abu-hava təsir edib
Millətin dərdi məni şair edib
Kasıbın görmədiyi qır-qızılı
Məmur öz toplanına zəncir edib
Ölkə gənc nəsli pul ucbatından
Qatı qatil, iki üz, cibgir edib
Zamanın sahibi bir gün soracaq
Bunu hansı qan içən vampir edib?
Meydanı aldı ələ nakişilər
Meşəni çaqqala təslim şir edib
Yuxudur təkcə fəqirin dostu
Ona xoş gün yuxular təsvir edib
Səfa ustadlara bax, qoy qələmi
Əldə nə Seyyid edib? Sabir edib?
23.09.2020
Görüm hər vaxt üzün gülsün Azərbaycan
Bütün düşmənlərin ölsün Azərbaycan
Xilas etsin vətən torpağların əsgər
Nəhayət göz yaşın silsin Azərbaycan
Səni düşmənlərə kim satdı onlarnan
Xudavəndi Kərim bilsin Azərbaycan!
Xəyallar gerçək olsun qoy deyək bir gün
Qarabağdan səsin gəlsin Azərbaycan
30.09.2020
Azəribaycanı müzəffər görək
Məğlub olubdur xeyirə şər görək
Üzdə sevinc, əldə silah, dildəsə
"Ya Qarabağa ya ölüm" əzbər görək
Ey kaş, olaydıq Qarabağ mehmanı
Cənnətə tay guşeyi-dilbər görək
Abad ola məscidi-viranələr
Hər qapıda Allahu Əkbər görək
İlham ilə azad edək torpağı
Gorda rahatdır ulu Heydər görək
Qır fələyin çərxini Allah! nolar
Bizlərə xoş günləri göstər görək
Ağlamasınlar analar bir daha
Sağ qayıda hər gedən əsgər görək
Sülh quşu ağuşa ala ölkəmi
Bir də nə dava nə də səngər görək
Ordumuza dəstək olaq hər zaman
Hər kəsi həmrəy və bərabər görək
02.10.2020
Çevrilib gerçəyə artıq, otuz illik nağılım
Gözün aydın, qayıdıbsan yenidən Cəbrayılım!
Fərqi yoxdur, talışıq, ləzgi tatıq ya avarıq
Qarabağdan yağı düşmanı zopaynan qovarıq
Ordumuz güclüdü çox, bil deyil əvvəlki daha
Keçirər ermənini bayrağ əvəznə silaha
Azəri övladıyıq, erməni! qorxağ deyilik
Rəhmimiz vardı bizim siz kimi alçağ deyilik
Atmarıq gülləni arvad, uşağa vəhşi kimi
Sizi tək olmarıq heçvaxtı təcavüz qənimi
Yalvarıb təslim olarsız elə axırda bizə
Xocalı faciəsin keçmərik heçvaxtı sizə
Otuz il oynadıq ATƏT çalan hər bir düdüyə
Daha bəsdir dirənibdir bıçaq artıq sümüyə
Qorxudan sizləri atəş səsi, haqqın səsidir
Qarnı süngüylə yarılmış qadının naləsidir
Mərd deyil sizdəkilər, əhli-Yezidin biridir
Ölən hər bir şəhidim yüz sağınızdan diridir
Kaş sənin övladını dəfn eləyərdik dərinə
İki yaşlı kiçicik Zəhra balamın yerinə
Qarabağdan qovulan qaçqını qaçmışlarıyıq
Qəddar əsrin elə doxsanda göz açmışlarıyıq
Boya çatdıq, böyüdük day, alarıq canınızı
BTR tankına benzin tökərik qanınızı
Düşmənim Azəribaycanı görüb sarsılacaq
Köksünə dalğalanan bayrağımız sancılacaq
04.10.2020
Ermənistan! dağılıb lap Yerəvansız qalasan
Ay səni Rusiyasız, dostun İransız qalasan
Dığa övladların ilə öyünüb eyləmə çox
Kəsərik nəslinizi axırı "yansız" qalasan
Bir də gəzsən ana torpağımın üstündə əgər
Elə allam ki, nişangahə dabansız qalasan
İqtisadiyyatını çökdürərik, bir savaşa
Ciblərin tam boşalar hətta siçansız qalasan
Necə davrandız əsir qızlarımıznan o zaman
Dalı şampan tərəfə sonda tumansız qalasan
Möhkəm ol Azəribaycan gələn hər güllələrə
Yenə bilməz yağı düşmən səni cansız *QALASAN*
Qarabağ! qurban olum xar gülünə, kol-kosuna
Deyiləm razı gül üstündə
tikansız qalasan
Etiqadın hanı bəs Həzrəti İsa dininə
Səndən üz Tanrı çevirsin, yaradansız qalasan
Qarabağ torpağı çoxdan susuyub qanın üçün
Süzülüb torpağa son damlası qansız qalasan
Vətəni sevmək özü ey Səfa imandandı
Kəc baxarsan vətənə dinsiz, imansız qalasan
08.10.2020
Düşmənin çatdı daha, əcəli Marş irəli
Vətən uğrunda döyüş, irəli marş irəli
Döyüşən vaxtı denən, ya Xudavəndi Kərim
Ya peyəmbər cəddi, ya Əli marş irəli
Azəri əsgərinə, təbiət qorxusu yox
Sənə neynər soyuğu, xəzəli marş irəli
Vətənin əmridi bu, əmridən çıxma saqın
De! baş üstə igidim, de bəli marş irəli
Çox məhəbbətdən uca, vətəni tutdun igid!
Budu eşqin ən əsas, təməli marş irəli
Oxu möhkəm səs ilə, o gözəl himnimizi
Oxu qəflətdən oyat əfəli marş irəli
Ümidi tək sənədir, indi birlikdə deyir
Obamın mərd oğulu, gözəli "marş irəli"
Vicdanındır o sənin, sinən üstündə qoyub
Bayrağ andın içərək, bas əli marş irəli
Sən vətənçün döyüşüb, necə tarix yazdın
Yazım o tarix üçün, qəzəli
marş irəli
11.10.2020
Vurarıq düşməni dağdan
Ölmərik bir də nahağdan
İnşəAllah Qarabağdan
Xoş xəbərlər duyarıq biz
Qanı qannan yuyarıq biz
Hansısa xarici qonşu
Gələ bilməz daha qorxu
Haqqımızdır deyərik bu
Aləm içrə yayarıq biz
Qanı qannan yuyarıq biz
Ümid olmağçün əzizim
İgid olmağçün əzizim
Şəhid olmağçün əzizim
Oyanıb gün sayarıq biz
Mənim odlar diyarım var
Bu diyarda Polad, İlqar
Mərd Mübarizlərə oxşar
Döyüşüb ad qoyarıq biz
Ruzisi evdə çox olsun
Şəhid övladı tox olsun
Eybi yox bizdə yox olsun
Bir tikəynən doyarıq biz
Qanı qannan yuyarıq biz
Qaçın ey erməni! məndən
Xoşunuznan bu vətəndən
Getməsəz, başı bədəndən
Dərisiynən soyarıq biz
Qanı qannan yuyarıq biz
Özgə bayrağ taxan olsa
Hələ minnət qaxan olsa
Vətənə kəc baxan olsa
Gözün əlnən oyarıq biz
16.10.2020
Çeviriblər yasa əyləncəmizi
Etdilər Suriya tək Gəncəmizi
Yavrucuq körpələrin ahına bax
Ölkələr duymadı işgəncəmizi
Yoxdu tay erməniyə aləmdə
Terroristsiz qan içən görkəmdə
Atanız qeyrətə gəlmir çoxdan
Ananız fahişədir bəlkəm də
Bu nə dəhşətdi meyidlər qoxmuş
Bizləri istəməyənlər çoxmuş
Müslümanlar qırılır, göz yumulur
Demə dünyada ədalət yoxmuş
Bəsdir artıq dayanın rus dığası!
Bəllidir kim gedəsi kim qalası
Yeyib içdiz otuz il indi sizə
Haram olsun Qarabağın havası
Qarabağ aldı düyün ermənidən
Alarıq hansısa gün ermənidən
Baş komandan! demə it tək qovuruq
İt sədaqətlidi çün ermənidən
17.10.2020
Ağrımız bir, dərdimiz bir
Haqq yolunda mərdimiz bir
Yaslara çevrilməsin toy
Ey Azərbaycanlı zat, soy!
Birləşək gəl, olmasın qoy
Yerlə-göynən, yurdumuz bir
Sussun artıq əhli-kafir
Ol Rəsulullaha xatir
Ey müsəlmanlar olaq bir
Tanrımız bir, virdimiz bir
Geri bir addım çəkilməz
Dik tutar başın əzilməz
Düşmənə heçvaxt əyilməz
Vardı məğrur ordumuz bir
Vird- zikr
20.10.2020
Biz savaş meydanlarında xeyli canlar vermişik
Haqqın uğrunda şəhid olmuş cavanlar vermişik
Asimanə sovrulub oldu buxar göz yaşımız
Ağlamaqdan dağlara, çənlər, dumanlar vermişik
Çox ümid etdik ki, dünya birliyi sahib çıxar
Bu otuz ildə demə, boş-boş zamanlar vermişik
Boş verilmiş vəd, yalanlarla havamız korlanıb
Çox yalanlar udmuşuq, eynən yalanlar vermişik
Eşqə bax, övladların dəfn eylədikcən anneler
Fəxr edirlər yurda ölməz qəhrəmanlar vermişik
Şanlı tarix yazmaq üçün, xalqımız candan keçib
Məqsədə yetməkdən ötrü imtahanlar vermişik
Ey vətən , sən kimləri dost bilmisən xain çıxıb
Oxlayırlar, kimlərə bir vaxt kamanlar vermişik?
Qorxumuz yox əl-yalın düşmənlər ilə üz-üzə
Könlümüzdən vur deyib, qəlblər nişanlar vermişik
Ey Mübariz, Ey Polad rahat uyu bundan belə
Kafirin zəbt etdiyi yerdən azanlar vermişik
22.10.2020
Nə günah eylədilər ki, günahı olmuyan öldü
Silah atdı yağı düşman, silahı olmuyan öldü
Nə eşitmir nə verir hay, necə nankordu bu dünya
Günəş, ay tək gözü çıxsın ki, deyim kordu bu dünya
Yağışa əmr elə Allah, buludu bir yana yığsın
Torpağ üstə tökülən qanlara göz yaşları yağsın
Kef çəkib gəzmə bu torpağların üstündə dayan bir
Torpağ altında yatan şanlı şəhidlərdən utan bir
Erməni! aldığınız abu-hava çöllərə təhqir
Gətirən yoxdu dilə, çünki adın dillərə təhqir
Gücü ön cəbhədə göstərməyinizçün ürək olsun
Buda şərtdir adamın düşməni erkək gərək olsun
Sizdən üstündü mənimçün, atılan bircə tük hətta
Qanınız da xarab hətta, südünüz də çürük hətta
Fələyin çərxi sınaydı, mayasın qatdığı yerdə
Daş düşəydi nənəniznən babanız yatdığı yerdə
Seyr edirlər Qarabağda, bəmbəyaz xeyli göyərçin
Öldürülmüş küçücük körpələrin ruhudu yəqin
İntiqamın alacaq, qalmayacaq birdənə məskən
Azəribaycanımın əsgərinə qurban olum mən
30.10.2020
Şuşam azad olunub qalmadı daşnağlarda
Bülbül öz xarı üçün nəğmə oxur bağlarda
Ədəbiyyat oyanır əks-sədadən sanki
Natəvanın qəzəlin Xan oxuyur dağlarda
08.11.2020
Ermənilər leşini qoyub qaçıblar
Birini alıb beşini qoyub qaçıblar
14.12.2020
Nəfsinə aldanmış olan qullarıq
Şah cibinə xırdalanan pullarıq
Ad olaraq faili muxtarlarıq
Lakin idarə olunan rullarıq
Ehtiras üstündə əkib biçdilər
Tərif edək əntiqə məhsullarıq
Haqqımızı tapdalayıb mindilər
Eşşəkin üstündəki boş çullarıq
Saf deyilik saf su da bizdən qaçır
Gör necə çirkab dolu məhlullarıq
Haqq! nə olar eyləmə rüsvay bizi
Həşrə qədər hər kəsə məchullarıq
Tıxdığımız hər haramı çəkdilər
Gəlmədi tarazıya gonbullarıq
Var bu qədər bizdə maaş qorxusu
Söysə müdir işçini qəbullarıq
Halımıza min şükür olsun yenə
Biz kasıbıq gər halı məqbullarıq
11.04.2021
Əyri yola baş vurub, addımı düz qoymadıq
Tanrı ilə üz-üzə gəlməyə üz qoymadıq
Ölkəni ifşa edib, torpağın uğrundasa
Bir dənə qol, bir ayağ bir dənə göz qoymadıq
Vay o günə qonşuda, olsa boşanmış qadın
Ailəsi barədə birdənə söz qoymadıq
Altımıza pul-para qoymuşuq illər boyu
Yaxşı adamlar kimi, tarixə iz qoymadıq
Övlad oxutdurmuşuq, rüşvətin hesabına
Ay kişi bu milləti pis günə biz qoymadıq?
Hər dəfə mövlud günü, 100 yaşamaq istədik
Bircə dəfə səcdəyə, getməyə diz qoymadıq
Hər şeyi acgözləşib oğramışıq Tanrıdan
Dağ meşələr zəbt edib, çay nə dəniz qoymadıq
12.04.2021
Bu şairlik mənə heçnə vermədi
Qələmlə varağa yazmaq öyrədib
Sənli günlərində yaratmaq eşqi
Sənsizlik gələndə azmaq öyrədib
Saray şairləri deyilik şükür
Yazılan təriflər dönür pul olur
Əynimə baxaraq qınama məni
Haqqı təbliğ edənlər yoxsul olur
Baharda bülbüllər oxumasalar
Güllərin üstündə ətir də olmaz
Ana təbiəti bir qıza bənzət
Gözəllik olmasa şeir də olmaz
Yaradan söz ilə yaradıb bizi
Sözdən ehtiyat et könüllər dəlib
Qalanda itilik kəsərliyinə
Qılıncın özü də sözdən düzəlib
Azərbaycanımın mərd övladıyam
Ölkəmin talış torpağındanam mən
Uslubum satira məhsulu kimi
Sabirin, Pünhanın bağındanam mən
Mühəndis-şairəm böyük çıxmasın
Yazıram şeirin əntiqəsin də
Həyata yönəlir baxışlarımız
Fizika qanunu çərçivəsində
13.04.2021
Lənkəran rayonu, Yuxarı-Nüvədi kəndinin şəhidi Baş Leytinant Vüsal
Kazımovun əziz ruhuna ərmağan etdiyim acizanə şeir:
Çox ümid eylədim sağ qayıdarsan
Həsrətin dağların ümidlə çapdım
Tabutu gec gələn şəhid Vüsalı
Məzarda axtarıb yuxuda tapdım
Kürən saç, yaşıl göz arıq oğlandın
Səmimi simanı hamı sevirdi
Bəlkə nur üzünü qısqandığıyçün
Mələklər əzrayıl donuna girdi
Tabutu millətin çiynində getdi
Rəhmətlər oxunub çatdı dərgaha
Şəhid yanında şəhid gömmüşük
Mais Mirzəcanov tək deyil daha
Namus ləkəsini silməyə getdin
Açdığın silahdan düşmən gəbərib
Qarabağ torpağında izin görsənir
Qan tökdüyün yerdə güllər cücərib
Eyni parta arxasında günümüz keçib
O vaxt anlamazdıq nə dərd nə kini
Səni görmək üçün dualar etdim
Gəl ey yuxularımın özəl sakini
Bir gün hamının qapısı döyülər
Çağırıb deyərlər oyan dünyadan
Bundan artıq nə gözləyəsən ki
Körpəni atasız qoyan dünyadan
15.04.2021
Yaşadığımı da yaşamışam, belə pis çıxmasın
Səndən bir qorxum yoxdur ki, xətrimə dəyə bilərsən
Ünvanımı bilirsən ey əziz qonağım Əzrayıl
Ürəyin haçan istəyir qapımı döyə bilərsən
Çox yaşamayım qoy günahlarımın sayı artmasın
Ölüm mələyim gəl çıx ki, qış ömrüm çönər yaz olar
Cənnətə düşmək ümidimi əlimdən alma
Nə qədər az yaşasam bir o qədər cəzam az olar
Aclıq, səfalət, evsizlik, xəstələr hansını deyim
Olanlara göz yummaq istəmirəm sırtıq deyiləm
Nə olsun evdə körpəm var, gənc yaşıma üzülməyin
Qarabağda şəhid olan əsgərdən artıq deyiləm
İntiharmı etməyimi istəyirsən bəlkə,
əsla!
Adıma yaraşmayan bir sürü şayələr yığılar
Son şikayətim sənədir Allah, yardım et bəndənə
Niyə öldürmürsən mən olmasam
dünyamı dağılar?
18.04.2021
Ey kasıb dərd eləmə döz-döz-döz
Batma borc içrə çalış üz-üz-üz
Almayırsan sosial yardımını
Bir uçuq daxmana var göz-göz-göz
Vermişik torpağa yüzlərlə şəhid
Həya et vurma arağ yüz-yüz-yüz
Üzümüz qalmadı üz verməkdən
Yetənə göstəririk üz-üz-üz
Yalan hökm etdiyi dövranda adam
Sürə bilmir həyatın düz-düz-düz
Bir qarınlıq çörəyin möhtacıyıq
Deyilik biz daha o biz-biz-biz
Nə dedik əks-sədasın duyduq
Daşa təsir eləməz söz-söz-söz
Tanrını sən çağırarkən gurnan
Deyirik bəndəsinə siz-siz-siz
Kasıb övladlarınındır bu vətən
Çökdürüb erməniyə diz-diz-diz
Haqqımızdır danışaq ey məmur
Aç gözün süz, dodağın büz-büz-büz
Torpağ üstündə şəhid qanları var
Qarabağda dolaş az gəz-gəz-gəz
26.04.2021
Getdi vətən naminə, düşməni məhv etməyə
Səpnəkəran kəndimin, mərd, igid övladları
Ermənilər xar olub, təsirinizdən sizin
Həm boyu bəstəsi, həm irinizdən sizin
Öylə cəsarətlisiz, hər birinizdən sizin
Yazsada azdır yenə, söz-sənət ustadları
Canı sağ olsun Tural, siz kimi qərdeşlərin
Cəbrayıl uğrunda var, avtomat atəşlərin
Erməninin bir-bə-bir ,salmısınız leşlərin
İndi narahat yatır, gorbagor əjdadları
Düşmənin ön xəttinə, səd qoyub əngəl qoyub
Cəmisi qırx dörd günə tarixi cədvəl qoyub
Dünyanı başdan başa matu- məəttəl qoyub
Ordumuzun var özəl taktiki-icadları
Əsgərin hesabına, Azərbaycan udub
Vardı Qədirtək oğul, torpağ üçün can qoyub
Od qoyub ağlatmısız ermənilər yas tutub
Ərşə çəkilməkdədir ahları, fəryadları
Qəlpə alıb Şəhriyar, qazi kimi yüksəlib
Elnurumuz var hələ, mina canından dəlib
Gülləsinə düşmənin kimlər əgər tuş gəlib
Xaliqi-Sübhan ola, hər zaman imdadları
Gördü Şuşa, Cəbrayıl kətçimiz əsgər Riyad
Sağsalamat yurduna, döndü bizi etdi şad
Yerdə şəhid qanları, qalmadı olduq azad
Təslim olub, yalvarıb erməni cəlladları
Lənkəranım nur saçır, mərd yaşayan ünvana
Saysız, hesabsız şəhid, basdırılıb yan-yana
Hansı oğullar doğub, gör analar dövrana
Dildə dönər dastana , hər birinin adları
Taleh ilə Elxanın, Ağdərə olmuş yeri
Keçdilər onlar neçə, səngər ilə bunkeri
Kimdə talış qanı var, atmadı addım geri
Üstlərinə düşmənin ,gəlsədə həştadları
31.07.2021
Qəm də əyər boynunu məğrur kişinin fəhminə
Fərz edirəm hirsli baxışlarda nəvaziş yatır
Qurban olum öz atamın üzdə olan zəhminə
Ey füqəra səbr elə, əcrin verilər bir zaman
Allahı qəbul eliyən şübhə edər rəhminə?
16.09.2021
Xəzan olmuş bahar ömrüm
Mənim bietibar ömrüm
Nə çox cövrü-cəfa etdi
Bu ölməz sevgimiz bitdi
Peşiman olmadım getdi
Sənin uğrunda yar ömrüm
Açım söhbət hayanlardan
Gözəl sözlər duyanlardan
Özün xoşbəxt sayanlardan
Olubdur ixtisar ömrüm
Xilas olmaq da heç bilmir
Dilə ölmək də xoş gəlmir
Cism ölməklə ruh ölmür
İki aləmdə var ömrüm
20.11.2021
Dərsi-üsuli-cədidi neynirəm
Ənənəvi yaxşı idi neynirəm
Bəsdir ay arvad bu uşaq bir bəla
Pir, ocaqa qoyma onu bir daha
Dərs oxumaq canda ola əvvəla
Molla, Axundu, seyidi neynirəm
Dərs oxumur guya ki, vardır başı
Əqli uşaq baxma ki çoxdur yaşı
Övlad odur elmi tuta yaddaşı
Yoxsa zəfərsiz igidi neynirəm
Kim çıxarıb onlayn olsun zəlil
Etdi o şagirdləri başdan əlil
Ölkədə təhsil düzələn şey deyil
Kəsmişəm artıq ümidi neynirəm
dərsi-üsuli-cədid: yeni dərs üsulu(kurikulum)
22.11.2021
Tanrıdan sonra insanı iki ad yetişdirir, bu iki ad cəmiyyətin və
xalqın formalaşması sütünudur. Biri valideyn, digəri isə müəllim. Mən deyərdim,
insan həyatında vicdandan sonra ən uca zirvədə təhsili dayanır. Bu təhsili bizə valideyn kimi əziz
müəllimlərimizdən alırıq. Hər şagird, tələbə müəllimindən öyrənərək məntiqi
təfəkkürünü inkşaf etdirib öz həyat yolunun xəritəsini qurmuş olur. Hər
şagirdin borcudur ki, ona dərs verən müəllimini valideyni kimi yad etsin..
Mənim həyatımda böyük rol oynayan müəllimlərdən biri də Lənkəran rayonu şəhid
Möhübbət Həmzəyev adına Səpnəkəran kənd
orta məktəbinin dil-ədəbiyyat müəllimi Şirvan müəllimdir. Mənim ədəbiyyat ruhlu
olduğum bilavasitə bu şəxsə bağlıdır. Danışdığı hər bir cümləsi, əsl Azərbaycan
dilinin qramatik normalarına, və ədəbiyyatın məhz özünə siraət edir. Necə sevməyim
öz müəllimimi!?, Allahdan müəllimimə can sağlığı uzun ömür arzulayıram, və onu
rəcəz bəhrində olan şeirimlə hörmətlə anıram🌹❤️
Öyrənmişik biz elmini
Xoş halıma söz elmini
Yəni mənə öz elmini
Şirvan müəllim öyrədib
Dahi Klassik şairi
Seyyid Əzim tək mahiri
Mirzə Ələkbər Sabiri
Şirvan müəllim öyrədib
Vacib məqamın təhsilin
Həm nöqtəsin həm vergülün
Düzgün Azərbaycan dilin
Şirvan müəllim öyrədib
Danmaz bunu şagird Səfa
Nitq hissəsi qoşma, nida
Bəhri-əruz, vəzni-heca
Şirvan müəllim öyrədib
22.11.2021
Döyüşüb şövq ilə ön cəbhədə əsgərlərimiz
Şükür Allah ki, çatıb məqsədə əsgərlərimiz
Mərd, igiddir buraxıb eyləməyib düşmənini
Bircə addım yaxın heç sərhədə əsgərlərimiz
Biz maşın, mənzili almaqdan ötür növbədəyik
Vətən uğrunda durub növbədə əsgərlərimiz
Bu kino filmi deyil hərbi
döyüş taktikasın
Göstərib əsli real səhnədə əsgərlərimiz
Azad etmiş Qarabağında günəş çıxdıqcan
Dincəlir ləzzət ilə kölgədə əsgərlərimiz
Ordunu ordu edən cəsurürək əsgəridir
Olmalı and yerimiz bəlkə də əsgərlərimiz
Tək Səfa onları yad eyləməyir çoxdu sayı
Olmasınlar narahat zərrə də əsgərlərimiz
13.01.2022
Formalaşmazsa beyinlərdə əgər Milli şüur
Taparıq yoxsa ki, hər işdə qüsur içrə qüsur
Zəhrimar damcısı yağdırmağa başlatdı bəniz
Yırtılıbdır üzümüz zərrə qədər qalmadı nur
Cır təfəkkür kitabın, vəhşi təbiətdən oxu
Harda gördünsə əgər zalımı öp, məzlumu vur
Mənəviyyatımı qarnım kimi ac saxlamışam
Pulumu ver, yeri gəlsə başımın üstdə otur
Bu qədər zülmə biz üsyankar olub heç demədik
Yetər artıq bu məşəqqət ,yetər artıq daha dur
Edir hazırda cəmiyyət iki mövqeydə çıxış
Kimi əşyası, kimi elmi ilə duydu qurur
Bu qaranlıq dolu zülmətdə ümid eyləyirəm
Bir ədalət günəşi kaş ola dəhr içrə zühur
18.04.2022
Çəkər hey dərdi-qəm-qüssə
Yar aşiqdən əgər küssə
O nə dilbərdi?, naz etməz
Cahandan eşqi raz etməz
Sevən yar etiraz etməz
Qılınc qaşlar başın kəssə
Bu cür şey harda görsənmiş?
Dünən loğmanlar öyrənmiş
Sənin qəlbində gizlənmiş
Mənə məxsus olan hissə
Deyil kim, kimsədən üstün
Zaman qədrin bilək düzgün
Ömürdəndir gedən hər gün
Düşər yarpağ külək əssə
05.08.2022
Sarğacda olur hasil, induksiya qanunu
Dostum nədir öyrən bil, induksiya qanunu
Bu kimyəvi birləşmə, göydənmi yerə qopmuş
Cəzb etməyə malikdir, maqnit dəmiri qapmış
Tətbiqi Ceymsindi, ancaq Faradey tapmış
Düsturnan edib təhlil, induksiya qanunu
Beynən(B) olur işarə, vektor oxu tək zəngin
Gərginlik haşa(H) bağlı , öz sahəsi var gərgin
Qoynunda alıb elmi, çoxdandı olub yəqin
İstəklərinə nail, induksiya qanunu
Bir naqilimiz olsun, təcrübə üçün fürsət
Ondan cərəyan keçsə, ətrafa verər qüvvət
Mütləqdi ki bir yerdə, bunlar yaradır vəhdət
Maqnit gəmidir, sahil induksiya qanunu
İnduksiya olmazsa, işlərmi mühərriklər?
İnduksiyasız bir iş, hardan tapa texniklər?
İstehsal olunmazdı, heç adi rubilniklər
Çox şeylər edir təşkil, induksia qanunu
Əlbəttə ziyandan çox, elmin bizə var xeyri
Kim elmsiz insandı, yollar qət edər əyri
Gənclər oxusun kaş ki, dərk etmək üçün şeyri
İdrak eləməz cahil induksiya qanunu
Yəqin nəsə anlarlar, qeyd etdiyin izahdan
Elmində Səfa bərk dur, düşmə hələ iştahdan
Şair və mühəndissən, söz yaz sənə Allahdan
Bir halda olub şamil induksiya qanunu
08.08.2022
Nə olar?, gördüyümün dörddə birin yazsam əgər
Qoyubən acını bir yanə şirin yazsam əgər
Yazıram məmura gəl, kar eləmir heç sənədim
Çernilim var, kağıza yoxdu pulum bəs nə edim
Eşidərlərmi məni, cəhd eləyim yoxsa gedim?
Onların şerim ilə daş-dəmirin yazsam əgər
Çəkirəm millətimin hər dəfə dərdin, ahın
Bəlkə məktub yazım ünvanına şahənşahın
Dedilər get dua eylə eşidər Allahın
Yoxdu xeyri həzəratın fikirin yazsam əgər
Satirik şairiyəm məndədir ecazı sözün
Qələmim oxdu, deşib çəp baxanın qarə gözün
Yazmışam laxta tüpürcəklər ilə zalım üzün
Yenə könlüm soyumaz lap qəbirin yazsam əgər
14.08.2022
Övladi-vətən elm ilə yüksəlməli daim
Nahəqləri haqqın əlinə etdirə təslim
Oğlum Əli, oğlum Vüqara böylədi lafım
Məzlumun əlindən yapışın, zalimə zalim
26.09.202
Avtomatın tüstüsü şitdən çıxır
Yük yenə çoxdur, səsi fitdən çıxır
İnjenerik, elmimiz ilə düzü
Pislərin heç vaxtı götürməz gözü
Yüz nəfərin əllisi sevsin bizi
Karvana hürmək işi, itdən çıxır
Sahələr ağuşa alıb göy-yeri
Sinusun harmonika atmosferi
Voltu olur gah irəli, gah geri
Oynama* çox vaxt parazitdən çıxır
Qət eləyək bir gün elm zirvəsin
Diqqətinə çatdırıram hər kəsin
İzləyən interneti alqış desin
Qoy deməsin boş meqabitdən çıxır
04.07.2023
Satıbdı hər nə gəldi, vəzifə düşgünləri
Haram yedi kökəldi, vəzifə düşgünləri
Bəzər sözü söz üstə, yalançı vədlər ilə
Realda biəməldi, vəzifə düşgünləri
Xayanətə sürüklər, düşüncələr təhlükə
Qan imzalanmış əldi, vəzifə düşgünləri
Savad da yox cəhənnəm, ki dərdə əncam ola
Zəfarana məsəldi, vəzifə düşgünləri
Tərəqqi istəyənlər, gərək ki bilsin hər vaxt
Səfalətə təməldi, vəzifə düşgünləri
Bitirmək istəsək də ,bitən deyillər heç vaxt
Bu ölkədə əzəldi, vəzifə düşgünləri
Səfa sənə nə olsun, acıq gəlir adları
Hökumətə gözəldi, vəzifə düşgünləri
16.09.2023
Öz istədiyindən ola
yoxsa nədən ayrı?
Əhdində dəyanətlisə
aşiq, belə dünya
Çatmaz gücü salsın
onu cananədən ayrı
Xoşbəxt özün hiss
eyləsən harda, yaşa orda
Cəhd eylə dolan
yaxşısı biganədən ayrı
Saf sevgi məhəbbət
yaşayın, xeyli romanlar
Qoy dönsün
həqiqətlərə əfsanədən ayrı
Əhdində vəfa
sövdələmişdən nə xəyanət
Bülbüllər uçar
gülzara viranədən ayrı
Şair nəzərində
gözəli, zülfü dararkən
Ətri dolaşır, rəqs
eləyir şanədən ayrı
